헬라어 문장 검색 - Πλυταρ́Πυβλιξό21́

(플루타르코스, Publicola, chapter 21)

τῷ δ’ ἑξῆσ ἔτει πάλιν ὑπάτευε Ποπλικόλασ τὸ τέταρτον· ἦν δὲ προσδοκία πολέμου Σαβίνων καί Λατίνων συνισταμένων. καί τισ ἅμα δεισιδαιμονία τῆσ πόλεωσ ἥψατο· πᾶσαι γὰρ αἱ κυοῦσαι τότε γυναῖκεσ ἐξέβαλλον ἀνάπηρα, καί τέλοσ οὐδεμία γένεσισ ἔσχεν. ὅθεν ἐκ τῶν Σιβυλλείων ὁ Ποπλικόλασ ἱλασάμενοσ τῷ Αἵδῃ καί τινασ ἀγῶνασ πυθοχρήστουσ ἀναλαβὼν καί ταῖσ ἐλπίσι πρὸσ τὸ θεῖον ἡδίονα καταστήσασ τὴν πόλιν, ἤδη τοῖσ ἀπ’ ἀνθρώπων φοβεροῖσ προσεῖχε. μεγάλη γὰρ ἐφαίνετο κατασκευὴ τῶν πολεμίων καί σύστασισ. ἦν οὖν Ἄππιοσ Κλαῦσοσ ἐν Σαβίνοισ, ἀνὴρ χρήμασί τε δυνατὸσ καί σώματοσ ῥώμῃ πρὸσ ἀλκὴν ἐπιφανήσ, ἀρετῆσ δὲ δόξῃ μάλιστα καί λόγου δεινότητι πρωτεύων, ὃ δὲ πᾶσι συμβαίνει τοῖσ μεγάλοισ οὐ διέφυγε παθεῖν, ἀλλ’ ἐφθονεῖτο·

καὶ τοῖσ φθονοῦσιν αἰτίαν παρέσχε καταπαύων τὸν πόλεμον αὔξειν τὰ Ῥωμαίων, ἐπὶ τυραννίδι καί δουλώσει τῆσ πατρίδοσ, αἰσθόμενοσ δὲ τοὺσ λόγουσ τούτουσ βουλομένῳ τῷ πλήθει λεγομένουσ, καί προσκρούοντα τοῖσ πολεμοποιοῖσ καί στρατιωτικοῖσ ἑαυτόν, ἐφοβεῖτο τὴν κρίσιν, ἑταιρείαν δὲ καί δύναμιν φίλων καί οἰκείων ἔχων ἀμύνουσαν περὶ αὑτὸν ἐστασίαζε. καί τοῦτ’ ἦν τοῦ πολέμου διατριβὴ καί μέλλησισ τοῖσ Σαβίνοισ.

ταῦτ’ οὖν ὁ Ποπλικόλασ οὐ μόνον εἰδέναι ποιούμενοσ ἔργον, ἀλλὰ καί κινεῖν καί συνεξορμᾶν τὴν στάσιν, εἶχεν ἄνδρασ ἐπιτηδείουσ οἳ τῷ Κλαύσῳ διελέγοντο παρ’ αὑτοῦ τοιαῦτα, ὡσ ὁ Ποπλικόλασ ἄνδρα σε χρηστὸν ὄντα καί δίκαιον οὐδενὶ κακῷ δεῖν οἰέται τοὺσ σεαυτοῦ πολίτασ ἀμύνεσθαι, καίπερ ἀδικούμενον·

εἰ δὲ βούλοιο σῴζων ἑαυτὸν μεταστῆναι καί φυγεῖν τοὺσ μισοῦντασ, ὑποδέξεταί σε δημοσίᾳ καί ἰδίᾳ τῆσ τε σῆσ ἀρετῆσ ἀξίωσ καί τῆσ Ῥωμαίων λαμπρότητοσ. ταῦτα πολλάκισ ἀνασκοποῦντι τῷ Κλαύσῳ βέλτιστα τῶν ἀναγκαίων ἐφαίνετο, καί τοὺσ φίλουσ συμπαρακαλῶν, ἐκείνων τε πολλοὺσ ὁμοίωσ συναναπειθ όντων, πεντακισχιλίουσ οἴκουσ ἀναστήσασ μετὰ παίδων καί γυναικῶν, ὅπερ ἦν ἐν Σαβίνοισ ἀθόρυβον μάλιστα καί βίου πρᾴου καί καθεστῶτοσ οἰκεῖον, εἰσ Ῥώμην ἦγε, προειδότοσ τοῦ Ποπλικόλα καί δεχομένου φιλοφρόνωσ καί προθύμωσ ἐπὶ πᾶσι δικαίοισ.

τοὺσ μὲν γὰρ οἴκουσ εὐθὺσ ἀνέμιξε τῷ πολιτεύματι, καί χώραν ἀπένειμεν ἑκάστῳ δυεῖν πλέθρων περὶ τὸν Ἀνίωνα ποταμόν, τῷ δὲ Κλαύσῳ πλέθρα πέντε καί εἴκοσι γῆσ ἔδωκεν, αὑτὸν δὲ τῇ βουλῇ προσέγραψεν, ἀρχὴν πολιτείασ λαμβάνοντα ταύτην, ᾗ χρώμενοσ ἐμφρόνωσ ἀνέδραμεν εἰσ τὸ πρῶτον ἀξίωμα καί δύναμιν ἔσχε μεγάλην, καί γένοσ οὐδενὸσ ἀμαυρότερον ἐν Ῥώμῃ τὸ Κλαυδίων ἀφ’ αὑτοῦ κατέλιπε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 21

(플루타르코스, Publicola, chapter 21)

상위

목록

SEARCH

MENU NAVIGATION