Plutarch, Publicola, chapter 19 4:

ὡσ δὲ τὰσ παρθένουσ κομισθείσασ ὁ Πορσίνασ εἶδε, τὴν καταρξαμένην τῆσ πράξεωσ καὶ παρακελευσαμένην ταῖσ ἄλλαισ ἐζήτει. ἀκούσασ δὲ τὸ ὄνομα τῆσ Κλοιλίασ προσέβλεψεν αὐτὴν ἵλεῳ καὶ φαιδρῷ τῷ προσώπῳ, καὶ κελεύσασ ἵππον ἀχθῆναι τῶν βασιλικῶν κεκοσμημένον εὐπρεπῶσ ἐδωρήσατο. τοῦτο ποιοῦνται μαρτύριον οἱ μόνην τὴν Κλοιλίαν λέγοντεσ ἵππῳ διεξελάσαι τὸν ποταμόν.