헬라어 문장 검색 - Πλυταρ́Πυβλιξό19́

(플루타르코스, Publicola, chapter 19)

πραττομένων δὲ τούτων τοῦ τε Πορσίνα πᾶσαν ἤδη τὴν πολεμικὴν ἀνεικότοσ παρασκευὴν διὰ πίστιν, αἱ παρθένοι τῶν Ῥωμαίων κατῆλθον ἐπὶ λουτρόν ἔνθα δὴ μηνοειδήσ τισ ὄχθη περιβάλλουσα τὸν ποταμὸν ἡσυχίαν μάλιστα καὶ γαλήνην τοῦ κύματοσ παρεῖχεν. ὡσ δ’ οὔτε τινὰ φυλακὴν ἑώρων οὔτε παριόντασ ἄλλωσ ἢ διαπλέοντασ, ὁρμὴν ἔσχον ἀπονή ξασθαι πρὸσ ῥεῦμα πολὺ καὶ δίνασ βαθείασ. ἔνιοι δέ φασι μίαν αὐτῶν, ὄνομα Κλοιλίαν, ἵππῳ διεξελάσαι τὸν πόρον, ἐγκελευομένην ταῖσ ἄλλαισ νεούσαισ καὶ παραθαρρύνουσαν.

ἐπεὶ δὲ σωθεῖσαι πρὸσ τὸν Ποπλικόλαν ἧκον, οὐκ ἐθαύμασεν οὐδ’ ἠγάπησεν, ἀλλ’ ἠνιάθη, ὅτι Πορσίνα κακίων ἐν πίστει φανεῖται, καὶ τὸ τόλμημα τῶν παρθένων αἰτίαν ἕξει κακούργημα Ῥωμαίων γεγονέναι. διὸ συλλαβὼν αὐτὰσ πάλιν ἀπέστειλε πρὸσ τὸν Πορσίναν. ταῦτα δ’ οἱ περὶ τὸν Ταρκύνιον προαισθόμενοι, καὶ καθίσαντεσ ἐνέδραν τοῖσ ἄγουσι τὰσ παῖδασ, ἐν τῷ περᾶν ἐπέθεντο πλείονεσ ὄντεσ.

ἐκείνων δὲ ὅμωσ ἀμυνομένων, ἡ Ποπλικόλα θυγάτηρ Οὐαλλερία διὰ μέσων ὁρμήσασα τῶν μαχομένων ἀπέφυγε, καὶ τρεῖσ τινεσ οἰκέται συνδιεκπεσόντεσ ἔσῳζον αὐτήν, τῶν δ’ ἄλλων οὐκ ἀκινδύνωσ ἀναμεμιγμένων τοῖσ μαχομένοισ, αἰθόμενοσ Ἄρρων ὁ Πορσίνα υἱὸσ ὀξέωσ προσεβοήθησε, καὶ φυγῆσ γενομένησ τῶν πολεμίων περιεποίησε τοὺσ Ῥωμαίουσ. ὡσ δὲ τὰσ παρθένουσ κομισθείσασ ὁ Πορσίνασ εἶδε, τὴν καταρξαμένην τῆσ πράξεωσ καὶ παρακελευσαμένην ταῖσ ἄλλαισ ἐζήτει.

ἀκούσασ δὲ τὸ ὄνομα τῆσ Κλοιλίασ προσέβλεψεν αὐτὴν ἵλεῳ καὶ φαιδρῷ τῷ προσώπῳ, καὶ κελεύσασ ἵππον ἀχθῆναι τῶν βασιλικῶν κεκοσμημένον εὐπρεπῶσ ἐδωρήσατο. τοῦτο ποιοῦνται μαρτύριον οἱ μόνην τὴν Κλοιλίαν λέγοντεσ ἵππῳ διεξελάσαι τὸν ποταμόν. οἱ δ’ οὔ φασιν, ἀλλὰ τιμῆσαι τὸ ἀνδρῶδεσ αὐτῆσ τὸν Τυρρηνόν.

ἀνάκειται δὲ τὴν ἱερὰν ὁδὸν πορευομένοισ εἰσ Παλάτιον ἀνδριὰσ αὐτῆσ ἔφιπποσ, ὅν τινεσ οὐ τῆσ Κλοιλίασ, ἀλλὰ τῆσ Οὐαλλερίασ εἶναι λέγουσιν. ὁ δὲ Πορσίνασ διαλλαγεὶσ τοῖσ Ῥωμαίοισ ἄλλην τε ἑαυτοῦ πολλὴν μεγαλοφροσύνην ἐπεδείξατο τῇ πόλει, καὶ τὰ ὅπλα τοὺσ Τυρρηνοὺσ ἀναλαβεῖν κελεύσασ, ἄλλο δὲ μηδέν, ἀλλ’ ἐκλείπειν τὸν χάρακα σίτου τε πολλοῦ καὶ χρημάτων γέμοντα παντοδαπῶν, παρέδωκε τοῖσ Ῥωμαίοισ. διὸ καὶ καθ’ ἡμᾶσ ἔτι πωλοῦντεσ τὰ δημόσια πρῶτα κηρύττουσι τὰ Πορσίνα χρήματα, τιμὴν τῷ ἀνδρὶ τῆσ χάριτοσ ἀίδιον ἐν τῇ μνήμῃ διαφυλάττοντεσ.

εἱστήκει δὲ καὶ χαλκοῦσ ἀνδριὰσ αὐτοῦ παρὰ τὸ βουλευτήριον, ἁπλοῦσ καὶ ἀρχαϊκὸσ τῇ ἐργασίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 19

(플루타르코스, Publicola, chapter 19)

상위

목록

SEARCH

MENU NAVIGATION