헬라어 문장 검색 - Πλυταρ́Πυβλιξό16́

(플루타르코스, Publicola, chapter 16)

ὁ δὲ Ταρκύνιοσ μετὰ τὴν μεγάλην μάχην ἐν ᾗ καὶ τὸν υἱὸν ἀπώλεσε μονομαχήσαντα Βρούτῳ, καταφυγὼν εἰσ τὸ Κλούσιον ἱκέτευσε Λάραν Πορσίναν, ἄνδρα καὶ δύναμιν μεγίστην ἔχοντα τῶν Ἰταλικῶν βασιλέων καὶ δοκοῦντα χρηστὸν εἶναι καὶ φιλότιμον ὁ δ’ ὑπέσχετο βοηθήσειν. καὶ πρῶτον μὲν ἔπεμψεν εἰσ Ῥώμην κελεύων δέχεσθαι τὸν Ταρκύνιον ὡσ δ’ οὐχ ὑπήκουσαν οἱ Ῥωμαῖοι, καταγγείλασ αὐτοῖσ πόλεμον καὶ χρόνον ἐν ᾧ καὶ τόπον εἰσ ὃν ἔμελλεν ἐμβαλεῖν, ἀφίκετο μετὰ πολλῆσ δυνάμεωσ. Ποπλικόλασ δ’ ᾑρέθη μὲν ἀπὼν ὕπατοσ τὸ δεύτερον, καὶ σὺν αὐτῷ Τίτοσ Λουκρήτιοσ·

ἐπανελθὼν δὲ εἰσ Ῥώμην καὶ βουλόμενοσ τῷ φρονήματι πρῶτον ὑπερβαλέσθαι τὸν Πορσίναν, ἔκτιζε πόλιν Σιγλιουρίαν ἤδη πλησίον ὄντοσ αὐτοῦ, καὶ τειχίσασ μεγάλοισ ἀναλώμασιν ἑπτακοσίουσ ἐποικοὺσ ἀπέστειλεν, ὡσ ῥᾳδίωσ φέρων καὶ ἀδεῶσ τὸν πόλεμον. οὐ μὴν ἀλλὰ προσβολῆσ ὀξείασ τῷ τείχει γενομένησ ἐξεώσθησαν οἱ φύλακεσ ὑπὸ τοῦ Πορσίνα, καὶ φεύγοντεσ ὀλίγου συνεπεσπάσαντο τοὺσ πολεμίουσ εἰσ τὴν πόλιν.

ἔφθη; δὲ πρὸ τῶν πυλῶν ἐκβοηθήσασ ὁ Ποπλικόλασ, καὶ μάχην συνάψασ παρὰ τὸν ποταμόν ἀντεῖχε πλήθει βιαζομένοισ τοῖσ πολεμίοισ, ἄχρι οὗ τραύμασι νεανικοῖσ περιπεσὼν ἀπεκομίσθη φοράδην ἐκ τῆσ μάχησ, τὸ δ’ αὐτὸ καὶ Λουκρητίου τοῦ συνάρχοντοσ αὐτῷ παθόντοσ ἀθυμία τοῖσ Ῥωμαίοισ ἐνέπεσε, καὶ φυγῇ πρὸσ τὴν πόλιν ἔσῳζον ἑαυτούσ, ὠθουμένων δὲ τῶν πολεμίων διὰ τῆσ ξυλίνησ γεφύρασ ἐκινδύνευσεν ἡ Ῥώμη κατὰ κράτοσ ἁλῶναι. πρῶτοσ δὲ Κόκλιοσ Ὡράτιοσ καὶ σὺν αὐτῷ δύο τῶν ἐπιφανεστάτων ἀνδρῶν, Ἑρμίνιοσ καὶ Λάρκιοσ, ἀντέστησαν περὶ τὴν ξυλίνην γέφυραν.

ὁ δ’ Ὡράτιοσ τὸν Κόκλιον ἐπωνύμιον ἔσχεν ἐν πολέμῳ τῶν ὀμμάτων θάτερον ἐκ κοπείσ·

ὡσ δ’ ἔνιοι λέγουσι, διὰ σιμότητα τῆσ ῥινὸσ ἐνδεδυκυίασ ὥστε μηδὲν εἶναι τὸ διορίζον τὰ ὄμματα καὶ τὰσ ὀφρῦσ συγκεχύσθαι, Κύκλωπα βουλόμενοι καλεῖν αὐτὸν οἱ πολλοὶ τῆσ γλώττησ ὀλισθαινούσησ ἐκράτησεν ὑπὸ πλήθουσ Κόκλιον καλεῖσθαι. οὗτοσ ἑστὼσ πρὸ τῆσ γεφύρασ ἠμύνετο τοὺσ πολεμίουσ, ἄχρι οὗ διέκοψαν οἱ σὺν αὐτῷ κατόπιν τὴν γέφυραν.

οὕτω δὲ μετὰ τῶν ὅπλων ἀφεὶσ ἑαυτὸν εἰσ τὸν ποταμόν ἀπενήξατο, καὶ προσέμιξε τῇ πέραν ὄχθῃ δόρατι Τυρρηνικῷ βεβλημένοσ τὸν γλουτόν. ὁ δὲ Ποπλικόλασ τὴν ἀρετὴν θαυμάσασ αὐτίκα μὲν εἰσηγήσατο Ῥωμαίουσ ἅπαντασ, ὅσην ἕκαστοσ ἐν ἡμέρᾳ τροφὴν ἀνήλισκε, δοῦναι συνεισενεγκόντασ, ἔπειτα τῆσ χώρασ ἣν αὐτὸσ περιαρόσειεν ἐν ἡμέρᾳ, πρὸσ δὲ τούτοισ εἰκόνα χαλκῆν ἔστησαν αὐτῷ ἐν τῷ ἱερῷ τοῦ Ἡφαίστου, τὴν γενομένην ἐκ τοῦ τραύματοσ τῷ ἀνδρὶ χωλότητα μετὰ τιμῆσ παρηγοροῦντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 16

(플루타르코스, Publicola, chapter 16)

상위

목록

SEARCH

MENU NAVIGATION