Plutarch, Publicola, chapter 8 4:

ἔνιοι δὲ τοῦτο συμπεσεῖν ἱστοροῦσιν οὐχ ὅτε Ταρκυνίου καθιερώθη τὸ πεδίον, ἀλλὰ χρόνοισ ὕστερον ἄλλο χωρίον ὁμοροῦν ἐκείνῳ Ταρκυνίασ ἀνείσησ. ἡ δὲ Ταρκυνία παρθένοσ ἦν ἱέρεια, μία τῶν Ἑστιάδων, ἔσχε δὲ τιμὰσ ἀντὶ τούτου μεγάλασ, ἐν αἷσ ἦν καὶ τὸ μαρτυρίαν αὐτῆσ δέχεσθαι μόνησ γυναικῶν, τὸ δ’ ἐξεῖναι γαμεῖσθαι ψηφισαμένων οὐ προσεδέξατο. καὶ ταῦτα μὲν οὕτω γενέσθαι μυθολογοῦσι.