헬라어 문장 검색 - Πλυταρ́Πυβλιξό08́

(플루타르코스, Publicola, chapter 8)

ἐκ τούτου τὰ μὲν χρήματα τῶν βασιλέων διαρπάσαι τοῖσ Ῥωμαίοισ ἔδωκαν, τὴν δὲ οἰκίαν κατέσκαψαν καὶ τὴν ἔπαυλιν τοῦ δ’ Ἀρείου πεδίου τὸ ἥδιστον ἐκέκτητο Ταρκύνιοσ, καὶ τοῦτο τῷ θεῷ καθιέρωσαν, ἔτυχε δὲ τεθερισμένον ἄρτι, καὶ κειμένων ἔτι τῶν δραγμάτων οὐκ ᾤοντο δεῖν ἀλοᾶν οὐδὲ χρῆσθαι διὰ τὴν καθιέρωσιν, ἀλλὰ συνδραμόντεσ ἐφόρουν τὰσ ἀμάλλασ εἰσ τὸν ποταμόν. ὡσ δ’ αὕτωσ καὶ τὰ δένδρα κόπτοντεσ ἐνέβαλλον, ἀργὸν παντάπασι τὸ χωρίον ἀνιέντεσ τῷ θεῷ καὶ ἄκαρπον.

ὠθουμένων δὲ πολλῶν ἐπ’ ἀλλήλοισ καὶ ἀθρόων ὑπήγαγεν ὁ ῥοῦσ οὐ πολὺν τόπον, ἀλλ’ ὅπου τὰ πρῶτα συνενεχθέντα καὶ περιπεσόντα τοῖσ στερεοῖσ ὑπέστη, τῶν ἐπιφερομένων διέξοδον οὐκ ἐχόντων, ἀλλ’ ἐνισχομένων καὶ περιπλεκομένων, ἐλάμβανεν ἡ σύμπηξισ ἰσχὺν καὶ ῥίζωσιν αὐξανομένην ὑπὸ τοῦ ῥεύματοσ, ἰλύν τε γὰρ ἐπήγαγε πολλήν, ἣ προσισταμένη τροφὴν παρεῖχεν ἅμα καὶ κόλλησιν, αἵ τε πληγαὶ σάλον οὐκ ἐποίουν, ἀλλὰ μαλακῶσ πιέζουσαι συνήλαυνον εἰσ ταὐτὸ πάντα καὶ συνέπλαττον. ὑπὸ δὲ μεγέθουσ καὶ στάσεωσ ἕτερον αὐτὸ μέγεθοσ ἐκτᾶτο καὶ χώραν ἀναδεχομένην τὰ πλεῖστα τῶν ὑπὸ τοῦ ποταμοῦ καταφερομένων.

τοῦτο νῦν νῆσόσ ἐστιν ἱερὰ κατὰ τὴν πόλιν, ἔχει δὲ ναοὺσ θεῶν καὶ περιπάτουσ, καλεῖται δὲ φωνῇ τῇ Λατίνων Μέση δυεῖν γεφυρῶν. ἔνιοι δὲ τοῦτο συμπεσεῖν ἱστοροῦσιν οὐχ ὅτε Ταρκυνίου καθιερώθη τὸ πεδίον, ἀλλὰ χρόνοισ ὕστερον ἄλλο χωρίον ὁμοροῦν ἐκείνῳ Ταρκυνίασ ἀνείσησ.

ἡ δὲ Ταρκυνία παρθένοσ ἦν ἱέρεια, μία τῶν Ἑστιάδων, ἔσχε δὲ τιμὰσ ἀντὶ τούτου μεγάλασ, ἐν αἷσ ἦν καὶ τὸ μαρτυρίαν αὐτῆσ δέχεσθαι μόνησ γυναικῶν, τὸ δ’ ἐξεῖναι γαμεῖσθαι ψηφισαμένων οὐ προσεδέξατο. καὶ ταῦτα μὲν οὕτω γενέσθαι μυθολογοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 8

(플루타르코스, Publicola, chapter 8)

상위

목록

SEARCH

MENU NAVIGATION