헬라어 문장 검색 - Πλυταρ́Πυβλιξό07́

(플루타르코스, Publicola, chapter 7)

ὡσ δ’ οὖν ἀπῆλθεν ἐξ ἀγορᾶσ τότε, πολὺν μὲν χρόνον ἔκπληξισ εἶχε καὶ φρίκη καὶ σιωπὴ πάντασ ἐπὶ τοῖσ διαπεπραγμένοισ· πρὸσ δὲ τὴν Κολλατίνου μαλακίαν καὶ μέλλησιν ἀνεθάρρησαν οἱ Ἀκύλλιοι, καὶ χρόνον ἠξίουν λαβόντεσ ἀπολογήσασθαι, καὶ τὸν Οὐινδίκιον αὐτοῖσ ἀποδοθῆναι δοῦλον ὄντα, καὶ μὴ παρὰ τοῖσ κατηγόροισ εἶναι. βουλομένου δὲ ταῦτα συγχωρεῖν καὶ διαλύοντοσ ἐπὶ τούτοισ τὴν ἐκκλησίαν, ὁ Οὐαλλέριοσ οὔτε τὸν ἄνθρωπον οἱο͂́σ τ’ ἦν ἀφεῖναι τῷ περὶ αὐτὸν ὄχλῳ καταμειγμένον, οὔτε τὸν δῆμον εἰά προέμενον τοὺσ προδότασ ἀπελθεῖν.

τέλοσ δὲ τοῖσ σώμασιν ἐπιβαλὼν τὰσ χεῖρασ ἐπεκαλεῖτο τὸν Βροῦτον, καὶ τὸν Κολλατῖνον ἐβόα δεινὰ ποιεῖν, εἰ τῷ συνάρχοντι παιδοφονίασ ἀνάγκην προστριψάμενοσ αὐτὸσ οἰέται δεῖν καταχαρίζεσθαι ταῖσ γυναιξὶ τοὺσ προδότασ καὶ πολεμίουσ τῆσ πατρίδοσ. ἀγανακτοῦντοσ δὲ τοῦ ὑπάτου καὶ κελεύοντοσ ἀπάγεσθαι τὸν Οὐινδίκιον, οἱ μὲν ὑπηρέται διωσάμενοι τὸν ὄχλον ἥπτοντο τοῦ ἀνθρώπου καὶ τοὺσ ἀφαιρουμένουσ ἔτυπτον, οἱ δὲ φίλοι τοῦ Οὐαλλερίου προέστησαν ἀμυνόμενοι·

καὶ ὁ δῆμοσ ἐβόα κελεύων παρεῖναι τὸν Βροῦτον. ἧκεν οὖν αὖθισ ὑποστρέψασ· καὶ γενομένησ αὐτῷ σιωπῆσ εἶπεν ὅτι τοῖσ μὲν υἱοῖσ αὐτὸσ ἀποχρῶν ἦν δικαστήσ, περὶ δὲ τῶν ἄλλων τοῖσ πολίταισ ἐλευθέροισ οὖσι ψῆφον δίδωσι· λεγέτω δὲ ὁ βουλόμενοσ καὶ πειθέτω τὸν δῆμον. οὐκέτι μέντοι λόγων ἐδέησεν, ἀλλὰ τῆσ ψήφου δοθείσησ πάσαισ ἁλόντεσ ἐπελεκίσθησαν. ὁ δὲ Κολλατῖνοσ ἦν μὲν, ὡσ ἐοίκεν, ἐν ὑποψίᾳ τινὶ καὶ διὰ συγγένειαν τῶν βασιλέων, ἤχθοντο δ’ αὐτοῦ καὶ τῷ δευτέρῳ τῶν ὀνομάτων, ἀφοσιούμενοι τὸν Ταρκύνιον.

ὡσ δὲ καὶ ταῦτα συνέβη, παντάπασι προσκρούσασ ἀφῆκε τὴν ἀρχὴν ἑκὼν καὶ τῆσ πόλεωσ ὑπεξῆλθεν. οὕτω δὴ πάλιν ἀρχαιρεσιῶν γενομένων ὕπατοσ ἀπεδείχθη λαμπρῶσ ὁ Οὐαλλέριοσ, ἀξίαν ἀπολαβὼν τῆσ προθυμίασ χάριν ἧσ οἰόμενόσ τι δεῖν ἀπολαῦσαι τὸν Οὐινδίκιον ἐψηφίσατο πρῶτον ἀπελεύθερον ἐκεῖνον ἐν Ῥώμῃ γενέσθαι πολίτην καὶ φέρειν ψῆφον ᾗ βούλοιτο φρατρίᾳ προσνεμηθέντα. τοῖσ δ’ ἄλλοισ ἀπελευθέροισ ὀψὲ καὶ μετὰ πολὺν χρόνον ἐξουσίαν ψήφου δημαγωγῶν ἔδωκεν Ἄππιοσ ἡ δὲ παντελὴσ ἀπελευθέρωσισ ἄχρι νῦν οὐινδίκτα λέγεται δι’ ἐκεῖνον, ὥσ φασι, τὸν Οὐινδίκιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 7

(플루타르코스, Publicola, chapter 7)

상위

목록

SEARCH

MENU NAVIGATION