헬라어 문장 검색 - Πλυταρ́Πυβλιξό03́

(플루타르코스, Publicola, chapter 3)

μετὰ δὲ ταῦτα πρέσβεισ ἧκον ἕτεροι τῆσ τε βασιλείασ ἀφίστασθαι καὶ πολεμοῦντα παυσ1̣ ασθαι τὸν Ταρκύνιον λέγοντεσ, ἀπαιτεῖν δὲ τὰ χρήματα καὶ τὰσ οὐσίασ αὑτῷ καὶ φίλοισ καὶ οἰκείοισ, ἀφ’ ὧν διαβιώσονται φεύγοντεσ. ἐπικλωμένων δὲ πολλῶν καὶ μάλιστα τοῦ Κολλατίνου συναγορεύοντοσ, ἄτρεπτοσ ὢν ἀνὴρ καὶ τραχὺσ ὀργὴν ὁ Βροῦτοσ ἐξέδραμεν εἰσ ἀγοράν, προδότην ἀποκαλῶν τὸν συνάρχοντα, πολέμου καὶ τυραννίδοσ ἀφορμὰσ χαριζόμενον οἷσ δεινὸν ἦν ὄντωσ ἐφόδια φυγῆσ ψηφίσασθαι. συνελθόντων δὲ τῶν πολιτῶν πρῶτοσ ἰδιώτησ ἀνὴρ εἶπεν ἐν δήμῳ τότε Γάιοσ Μινούκιοσ, τῷ τε Βρούτῳ διακελευόμενοσ καὶ τοῖσ Ῥωμαίοισ π·

αραινῶν ὁρᾶν ὅπωσ τὰ χρήματα μετ’ αὐτῶν ὄντα πολεμοίη πρὸσ τοὺσ τυράννουσ μᾶλλον ἢ μετ’ ἐκείνων πρὸσ αὐτούσ. οὐ μὴν ἀλλ’ ἔδοξε τοῖσ Ῥωμαίοισ τὴν ἐλευθερίαν ἔχουσιν, ὑπὲρ ἧσ ἐπολέμουν, μὴ προέσθαι τὴν εἰρήνην ἕνεκα χρημάτων, ἀλλὰ συνεκβαλεῖν καὶ ταῦτα τοῖσ τυράννοισ. ἦν δὲ ἄρα Ταρκυνίῳ λόγοσ μὲν ἐλάχιστοσ τῶν χρημάτων, ἡ δ’ ἀπαίτησισ ἅμα πεῖρα τοῦ δήμου καὶ κατασκευὴ προδοσίασ, καὶ ταῦτ’ ἔπραττον οἱ πρέσβεισ ὑπομένοντεσ ἐπὶ τῇ τῶν χρημάτων προφάσει, τὰ μὲν ἀποδίδοσθαι, τὰ δὲ φυλάττειν, τὰ δ’ ἀποπέμπειν φάσκοντεσ, ἄχρι οὗ διέφθειραν οἴκουσ δύο τῶν καλῶν κάγαθῶν νομιζομένων, τὸν Ἀκυλλίων τρεῖσ ἔχοντα βουλευτάσ καὶ δύο τὸν Οὐιτελλίων. οὗτοι πάντεσ ἦσαν ἀπὸ μητέρων ἀδελφιδοῖ Κολλατίνου τοῦ ὑπατεύοντοσ, ἰδίᾳ δὲ Οὐιτελλίοισ ἑτέρα πρὸσ Βροῦτον οἰκειότησ ὑπῆρχεν.

ἀδελφὴν γὰρ αὐτῶν ὁ Βροῦτοσ εἶχε καὶ παῖδασ ἐξ αὐτῆσ πλείονασ· ὧν δύο τοὺσ ἐν ἡλικίᾳ συγγενεῖσ ὄντασ ἅμα καὶ συνήθεισ οἱ Οὐιτέλλιοι προσηγάγοντο καὶ συνέπεισαν ἐν τῇ προδοσίᾳ γενέσθαι καὶ καταμίξαντασ ἑαυτοὺσ εἰσ γένοσ μέγα τὸ τῶν Ταρκυνίων καὶ βασιλικὰσ ἐλπίδασ ἀπαλλαγῆναι τῆσ τοῦ πατρὸσ ἀβελτερίασ καὶ χαλεπότητοσ·

χαλεπότητα μὲν τὸ ἀπαραίτητον αὐτοῦ πρὸσ τοὺσ πονηροὺσ λέγοντεσ, τῇ δ’ ἀβελτερίᾳ προσποιήματι καὶ παρακαλύμματι πολὺν χρόνον, ὡσ ἐοίκε, χρησάμενοσ ἀσφαλείασ ἕνεκα πρὸσ τοὺσ τυράννουσ, οὐδ’ ὕστερον ἔφυγεν αὐτῆσ τὴν ἐπωνυμίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 3

(플루타르코스, Publicola, chapter 3)

상위

목록

SEARCH

MENU NAVIGATION