Plutarch, Publicola, chapter 1 1:

τοιούτῳ δὴ γενομένῳ τῷ Σόλωνι τὸν Ποπλικόλαν παραβάλλομεν, ᾧ τοῦτο μὲν ὕστερον ὁ Ῥωμαίων δῆμοσ ἐξεῦρεν ἐπὶ τιμῇ τοὔνομα, πρὸ τοῦ δὲ Πόπλιοσ Οὐαλλέριοσ ἐκαλεῖτο, Οὐαλλερίου δοκῶν ἀπόγονοσ εἶναι τῶν παλαιῶν ἀνδρὸσ αἰτιωτάτου γενομένου Ῥωμαίουσ καὶ Σαβίνουσ ἐκ πολεμίων ἕνα γενέσθαι δῆμον· ὁ γὰρ μάλιστα τοὺσ βασιλεῖσ εἰσ ταὐτὸ πείσασ συνελθεῖν καὶ διαλλάξασ ἐκεῖνόσ ἐστι .