헬라어 문장 검색 - Πλυταρ́Πηιλοπό21́

(플루타르코스, Philopoemen, chapter 21)

ὡσ οὖν ὁ περὶ τῆσ τελευτῆσ λόγοσ ἧκεν εἰσ τοὺσ Ἀχαιούσ, τὰσ μὲν πόλεισ αὐτῶν κοινὴ κατήφεια καὶ πένθοσ εἶχεν, οἱ δ’ ἐν ἡλικίᾳ μετὰ τῶν προβούλων συνελθόντεσ εἰσ Μεγάλην πόλιν οὐδ’ ἡντινοῦν ἀναβολὴν ἐποιήσαντο τῆσ τιμωρίασ, ἀλλ’ ἑλόμενοι στρατηγὸν Λυκόρταν εἰσ τὴν Μεσσηνίαν ἐνέβαλον καὶ κακῶσ ἐποίουν τὴν χώραν, ἄχρι οὗ συμφρονήσαντεσ ἐδέξαντο τοὺσ Ἀχαιούσ, καὶ Δεινοκράτησ μὲν αὐτὸσ αὑτὸν φθάσασ διεχρήσατο, τῶν δὲ ἄλλων ὅσοισ μὲν ἀνελεῖν ἔδοξε Φιλοποίμενα δι’ αὐτῶν ἀπέθνῃσκον, ὅσοισ δὲ καὶ βασανίσαι, τούτουσ ἐπ’ αἰκίαισ ἀπολουμένουσ συνελάμβανεν ὁ Λυκόρτασ. τὸ δὲ σῶμα καύσαντεσ αὐτοῦ καὶ τὰ λείψανα συνθέντεσ εἰσ ὑδρίαν ἀνεζεύγνυσαν, οὐκ ἀτάκτωσ οὐδὲ ὡσ ἔτυχεν, ἀλλ’ ἐπινίκιόν πομπήν τινα ἅμα ταῖσ ταφαῖσ μίξαντεσ.

ἦν μὲν γὰρ ἐστεφανωμένουσ ἰδεῖν, ἦν δὲ τοὺσ αὐτοὺσ καὶ δακρύοντασ, ἦν δὲ τοὺσ ἐχθροὺσ δεσμίουσ ἀγομένουσ, αὐτὴν δὲ τὴν ὑδρίαν ὑπὸ πλήθουσ ταινιῶν τε καὶ στεφάνων μόλισ ὁρωμένην ἐκόμιζεν ὁ τοῦ στρατηγοῦ τῶν Ἀχαιῶν παῖσ Πολύβιοσ καὶ περὶ αὑτὸν οἱ πρῶτοι τῶν Ἀχαιῶν.

οἱ δὲ στρατιῶται ὠπλισμένοι μὲν αὐτοί, τοῖσ δ’ ἵπποισ κεκοσμημένοισ ἐπηκολούθουν, οὔτε, οἱο͂ν ἐπὶ πένθει τοσούτῳ, κατηφεῖσ οὔτε τῇ νίκῃ γαυριῶντεσ. ἐκ δὲ τῶν διὰ μέσου πόλεων καὶ κωμῶν ἀπαντῶντεσ, ὥσπερ αὑτὸν ἀπὸ στρατείασ ἐπανιόντα δεξιούμενοι, τῆσ ὑδρίασ ἐφήπτοντο, καὶ συμπροῆγον εἰσ Μεγάλην πόλιν.

ὡσ οὖν συνανεμείχθησαν αὐτοῖσ οἱ πρεσβύτεροι μετὰ γυναικῶν καὶ παίδων, ὀλοφυρμὸσ ἤδη διὰ παντὸσ ἐχώρει τοῦ στρατεύματοσ εἰσ τὴν πόλιν ἐπιποθοῦσαν τὸν ἄνδρα καὶ βαρέωσ φέρουσαν, οἰομένην συναποβεβληκέναι τὸ πρωτεύειν ἐν τοῖσ Ἀχαιοῖσ. ἐτάφη μὲν οὖν, ὡσ εἰκὸσ, ἐνδόξωσ, καὶ περὶ τὸ μνημεῖον οἱ τῶν Μεσσηνίων αἰχμάλωτοι κατελεύσθησαν.

οὐσῶν δὲ πολλῶν μὲν εἰκόνων αὐτοῦ, μεγάλων δὲ τιμῶν, ἃσ αἱ πόλεισ ἐψηφίσαντο, Ῥωμαῖοσ ἀνὴρ ἐν τοῖσ περὶ Κόρινθον ἀτυχήμασι τῆσ Ἑλλάδοσ ἐπεχείρησεν ἀνελεῖν ἁπάσασ καὶ διώκειν αὐτόν, ἐνδεικνύμενοσ, ὥσπερ ἔτι ζῶντα, Ῥωμαίοισ πολέμιον καὶ κακόνουν γενέσθαι, λόγων δὲ λεχθέντων καὶ Πολυβίου πρὸσ τὸν συκοφάντην ἀντειπόντοσ οὔθ ὁ Μόμμιοσ οὔτε οἱ πρέσβεισ ὑπέμειναν ἀνδρὸσ ἐνδόξου τιμὰσ ἀφανίσαι, καίπερ οὐκ ὀλίγα τοῖσ περὶ Τίτον καὶ Μάνιον ἐναντιωθέντοσ, ἀλλὰ τῆσ χρείασ τὴν ἀρετὴν ἐκεῖνοι καὶ τὸ καλὸν, ὡσ ἐοίκε, τοῦ λυσιτελοῦσ διώριζον, ὀρθῶσ καὶ προσηκόντωσ τοῖσ μὲν ὠφελοῦσι μισθὸν καὶ χάριν παρὰ τῶν εὖ παθόντων, τοῖσ δ’ ἀγαθοῖσ τιμὴν ὀφείλεσθαι παρὰ τῶν ἀγαθῶν ἀεὶ νομίζοντεσ. ταῦτα περὶ Φιλοποίμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 21

(플루타르코스, Philopoemen, chapter 21)

상위

목록

SEARCH

MENU NAVIGATION