Plutarch, Philopoemen, chapter 19

(플루타르코스, Philopoemen, chapter 19)

οἱ δ’ ἐν τῇ πόλει τῇ μὲν ἀγγελίᾳ θαυμαστῶσ ἐπαρθέντεσ ἠθροίζοντο περὶ τὰσ πύλασ· ὡσ δὲ εἶδον ἑλκόμενον τὸν Φιλοποίμενα παρ’ ἀξίαν τῆσ τε δόξησ καὶ τῶν ἔμπροσθεν ἔργων καὶ τροπαίων, ἠλέησαν οἱ πλεῖστοι καὶ συνήλγησαν, ὥστε καὶ δακρῦσαι καὶ τὴν ἀνθρωπίνην ἐκφλαυρίσαι δύναμιν ὡσ ἄπιστον καὶ τὸ μηδὲν οὖσαν. οὕτω δὲ κατὰ μικρὸν εἰσ πολλοὺσ φιλάνθρωποσ ἐχώρει λόγοσ ὡσ μνημονευτέον εἰή τῶν πρόσθεν εὐεργεσιῶν, καὶ τῆσ ἐλευθερίασ ἣν ἀπέδωκεν αὐτοῖσ Νάβιν ἐξελάσασ τὸν τύραννον.

οὐ μὴν ἀλλὰ κομίσαντεσ αὐτὸν εἰσ τὸν καλούμενον Θησαυρόν, οἴκημα κατάγειον οὔτε πνεῦμα λαμβάνον οὔτε φῶσ ἔξωθεν οὔτε θύρασ ἔχον, ἀλλὰ μεγάλῳ λίθῳ περιαγομένῳ κατακλειόμενον, ἐνταῦθα κατέθεντο, καὶ τὸν λίθον ἐπιρράξαντεσ ἄνδρασ ἐνόπλουσ κύκλῳ περιέστησαν.

ἔπειτα προϊόντεσ ἅμα καὶ πολυπραγμονοῦντεσ ἐπύθοντο τὴν σύλληψιν αὐτοῦ καὶ διήγγελλον εἰσ τὰσ πόλεισ τῶν Ἀχαιῶν, οἱ δὲ συμφορὰν ποιούμενοι μεγάλην ἀπαιτεῖν μὲν ἔγνωσαν τὸν ἄνδρα παρὰ τῶν Μεσσηνίων πρεσβείαν πέμψαντεσ, αὐτοὶ δὲ παρεσκευάζοντο στρατεύειν.

일치하는 문장이 없습니다.

SEARCH

MENU NAVIGATION