Plutarch, Philopoemen, chapter 10

(플루타르코스, Philopoemen, chapter 10)

ἦν δὲ τότε τοῖσ Ἀχαιοῖσ ὁ πρὸσ Μαχανίδαν πόλεμοσ τὸν Λακεδαιμονίων τύραννον, ἀπὸ πολλῆσ καὶ μεγάλησ δυνάμεωσ ἐπιβουλεύοντα πᾶσι Πελοποννησίοισ. ὡσ οὖν εἰσ τὴν Μαντίνειαν ἐμβεβληκὼσ ἀπηγγέλθη, κατὰ τάχοσ ὁ Φιλοποίμην ἐξήγαγε τὴν στρατιὰν ἐπ’ αὐτόν, ἐγγὺσ δὲ τῆσ πόλεωσ παρετάξαντο πολλοῖσ μὲν ξένοισ ἑκάτεροι, πάσαισ δὲ ὁμοῦ τι ταῖσ πολιτικαῖσ δυνάμεσι. ὁ δὲ Φιλοποίμην τηλικούτου πταίσματοσ ἐν ἀρχῇ γενομένου καὶ τῶν πραγμάτων ἀπολωλέναι κομιδῇ καὶ διεφθάρθαι δοκούντων, τοῦτο μὲν ὅμωσ προσεποιεῖτο παρορᾶν καὶ μηδὲν ἡγεῖσθαι δεινόν, κατιδὼν δὲ τοὺσ πολεμίουσ, ὅσον ἡμάρτανον ἐν τῇ διώξει, τῆσ φάλαγγοσ ἀπορρηγνυμένουσ καὶ κενὴν χώραν διδόντασ, οὐκ ἀπήντησεν οὐδ’ ἐνέστη φερομένοισ αὐτοῖσ ἐπὶ τοὺσ φεύγοντασ, ἀλλ’ ἐάσασ παρελθεῖν καὶ διάσπασμα ποιῆσαι μέγα πρὸσ τοὺσ ὁπλίτασ εὐθὺσ ἦγε τῶν Λακεδαιμονίων, ὁρῶν τὴν φάλαγγα γυμνὴν ἀπολελειμμένην, καὶ κατὰ κέρασ παραδραμὼν ἐνέβαλε, μήτε ἄρχοντοσ αὐτοῖσ παρόντοσ μήτε μάχεσθαι προσδεχομένοισ·

νικᾶν γὰρ ἡγοῦντο καὶ κρατεῖν παντάπασι, διώκοντα τὸν Μαχανίδαν ὁρῶντεσ.

ὁ δὲ τοῦτο κωλῦσαι βουλόμενοσ, ἦν δὲ ὄψισ οὐχ ὡσ στρατηγῶν μαχομένων, ἀλλ’ ὥσπερ θηρίῳ πρὸσ ἀλκὴν ὑπ’ ἀνάγκησ τρεπομένῳ δεινοῦ κυνηγέτου τοῦ Φιλοποίμενοσ συνεστῶτοσ,, ἔνθα ὁ μὲν ἵπποσ τοῦ τυράννου ῥωμαλέοσ ὢν καὶ θυμοειδὴσ καὶ τοῖσ μύωψιν αἱμαχθεὶσ ἑκατέρωθεν ἐπετόλμησε τῇ διαβάσει, καὶ προσβαλὼν τῇ τάφρῳ τὸ στῆθοσ ἐβιάζετο τοῖσ προσθίοισ πέραν ἐρείσασθαι σκέλεσιν.

ἐν δὲ τούτῳ Σιμίασ καὶ Πολύαινοσ, οἵπερ ἀεὶ τῷ Φιλοποίμενι παρῆσαν μαχομένῳ καὶ συνήσπιζον, ὁμοῦ προσήλαυνον ἀμφότεροι τὰσ αἰχμὰσ κλίναντεσ ἐναντίασ, φθάνει δὲ αὐτοὺσ ὁ Φιλοποίμην ἀπαντήσασ τῷ Μαχανίδᾳ, καὶ τὸν ἵππον αὐτοῦ μετεωρίζοντα τὴν κεφαλὴν πρὸ τοῦ σώματοσ ὁρῶν μικρὸν ἐνέκλινε τὸν ἴδιον, καὶ διαλαβὼν τὸ ξυστὸν ἐκ χειρὸσ ὠθεῖ καὶ περιτρέπει τὸν ἄνδρα συνεπερείσασ.

τοῦτο ἔχων τὸ σχῆμα χαλκοῦσ ἐν Δελφοῖσ ἕστηκεν ὑπὸ τῶν Ἀχαιῶν θαυμασάντων μάλιστα καὶ τὴν πρᾶξιν αὐτοῦ καὶ τὴν στρατηγίαν ἐκείνην.

일치하는 문장이 없습니다.

SEARCH

MENU NAVIGATION