Plutarch, Philopoemen, chapter 18 5:

ἀπαντῶντι τῷ Δεινοκράτει συμπεσόντεσ ἐκεῖνον μὲν ἐτρέψαντο, τῶν δὲ πεντακοσίων, οἳ τήν χώραν τῶν Μεσσηνίων παρεφύλαττον, ἐξαίφνησ ἐπιφερομένων καὶ τῶν πρότερον ἡττημένων, ὡσ τούτουσ κατεῖδον, αὖθισ ἀνὰ τοὺσ λόφουσ ἀθροιζομένων, δείσασ ὁ Φιλοποίμην κυκλωθῆναι καὶ τῶν ἱππέων φειδόμενοσ ἀνεχώρει διὰ τόπων χαλεπῶν, αὐτὸσ οὐραγῶν καὶ πολλάκισ ἀντεξελαύνων τοῖσ πολεμίοισ καὶ ὅλωσ ἐπισπώμενοσ ἐφ’ ἑαυτόν, οὐ τολμώντων ἀντεμβαλεῖν ἐκείνων, ἀλλὰ κραυγαῖσ καὶ περιδρομαῖσ χρωμένων ἄποθεν.