헬라어 문장 검색 - Πλυταρ́Πηιλοπό16́

(플루타르코스, Philopoemen, chapter 16)

ἐπεὶ δὲ πάλιν τοὺσ Λακεδαιμονίουσ νεωτερίζειν ἀκούσασ ὁ στρατηγὸσ τῶν Ἀχαιῶν Διοφάνησ ἐβούλετο κολάζειν, οἱ δὲ εἰσ πόλεμον καθιστάμενοι διετάρασσον τὴν Πελοπόννησον, ἐπειρᾶτο πραΰνειν καὶ καταπαύειν τόν Διοφάνη τῆσ ὀργῆσ ὁ Φιλοποίμην, διδάσκων τόν καιρόν ὡσ Ἀντιόχου τοῦ βασιλέωσ καὶ Ῥωμαίων ἐν τῇ Ἑλλάδι τηλικούτοισ αἰωρουμένων στρατοπέδοισ ἐκεῖσε χρὴ τόν ἄρχοντα τὴν γνώμην ἔχειν, τὰ δὲ οἰκεῖα μὴ κινεῖν, ἀλλὰ καὶ παριδεῖν τι καὶ παρακοῦσαι τῶν ἁμαρτανομένων. οὐ προσέχοντοσ δὲ τοῦ Διοφάνουσ, ἀλλ’ εἰσ τὴν Λακωνικὴν ἐμβαλόντοσ ἅμα τῷ Τίτῳ καὶ βαδιζόντων εὐθὺσ ἐπὶ τὴν πόλιν, ἀγανακτήσασ ὁ Φιλοποίμην, ἔργον οὐ νόμιμον οὐδ’ ἀπηκριβωμένον ἐκ τῶν δικαίων, ἀλλὰ μέγα καὶ μεγάλῳ φρονήματι τολμήσασ, εἰσ τὴν Λακεδαίμονα παρῆλθε καὶ τόν τε στρατηγὸν τῶν Ἀχαιῶν καὶ τόν ὕπατον τῶν Ῥωμαίων ἰδιώτησ ὢν ἀπέκλεισε, τὰσ δ’ ἐν τῇ πόλει ταραχὰσ ἔπαυσε καὶ κατέστησε τοὺσ Λακεδαιμονίουσ πάλιν εἰσ τὸ κοινόν, ὥσπερ ἐξ ἀρχῆσ ἦσαν.

Ἀριστοκράτησ, πεντήκοντα καὶ τριακοσίουσ, τὰ δὲ τείχη καθεῖλε, χώραν δὲ πολλὴν ἀποτεμόμενοσ προσένειμε τοῖσ Μεγαλοπολίταισ, ὅσοι δὲ ἦσαν ὑπὸ τῶν τυράννων ἀποδεδειγμένοι πολῖται τῆσ Σπάρτησ, μετῴκιζεν ἅπαντασ ἀπάγων εἰσ Ἀχαϊάν πλὴν τρισχιλίων τούτουσ δὲ ἀπειθοῦντασ καὶ μὴ βουλομένουσ ἀπελθεῖν ἐκ τῆσ Λακεδαίμονοσ ἐπώλησεν, εἶθ’ οἱο͂ν ἐφυβρίζων ἀπὸ τῶν χρημάτων τούτων ἐν Μεγάλῃ πόλει στοὰν ᾠκοδόμησεν.

ἐμπιπλάμενοσ δὲ τῶν Λακεδαιμονίων καὶ παρ’ ἀξίαν πεπραχόσιν ἐπεμβαίνων, τὸ περὶ τὴν πολιτείαν ἔργον ὠμότατον ἐξειργάσατο καὶ παρανομώτατον.

ἀνεῖλε γὰρ καὶ διέφθειρε τὴν Λυκούργειον ἀγωγήν, ἀναγκάσασ τοὺσ παῖδασ αὐτῶν καὶ τοὺσ ἐφήβουσ τὴν Ἀχαϊκὴν ἀντὶ τῆσ πατρίου παιδείαν μεταβαλεῖν, ὡσ οὐδέποτε μικρὸν ἐν τοῖσ Λυκούργου νόμοισ φρονήσοντασ. τότε μὲν οὖν ὑπὸ συμφορῶν μεγάλων ὥσπερ νεῦρα τῆσ πόλεωσ ἐκτεμεῖν τῷ Φιλοποίμενι παρασχόντεσ, ἐγένοντο χειροήθεισ καὶ ταπεινοί, χρόνῳ δ’ ὕστερον αἰτησάμενοι παρὰ Ῥωμαίων τὴν μὲν Ἀχαϊκὴν ἔφυγον πολιτείαν, ἀνέλαβον δὲ καὶ κατεστήσαντο τὴν πάτριον, ὡσ ἦν ἀνυστὸν ἐκ κακῶν καὶ φθορᾶσ τηλικαύτησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 16

(플루타르코스, Philopoemen, chapter 16)

상위

목록

SEARCH

MENU NAVIGATION