헬라어 문장 검색 - Πλυταρ́Πηιλοπό15́

(플루타르코스, Philopoemen, chapter 15)

ἐπὶ τούτοισ ἀγαπώμενοσ καὶ τιμώμενοσ ἐκπρεπῶσ ὑπὸ τῶν Ἑλλήνων ἐν τοῖσ θεάτροισ φιλότιμον ὄντα τὸν Τίτον ἡσυχῇ παρελύπει. καὶ γὰρ ὡσ Ῥωμαίων ὕπατοσ ἀνδρὸσ Ἀρκάδοσ ἠξίου θαυμάζεσθαι μᾶλλον ὑπὸ τῶν Ἀχαιῶν, καὶ ταῖσ εὐεργεσίαισ ὑπερβάλλειν οὐ παρὰ μικρὸν ἡγεῖτο, δι’ ἑνὸσ κηρύγματοσ ἐλευθερώσασ τὴν Ἑλλάδα, ὅση Φιλίππῳ καὶ Μακεδόσιν ἐδούλευσεν. ἐκ δὲ τούτου καταλύεται μὲν ὁ Τίτοσ τῷ Νάβιδι τὸν πόλεμον, ἀποθνῄσκει δὲ ὁ Νάβισ ὑπὸ Αἰτωλῶν δολοφονηθείσ, τεταραγμένησ δὲ τῆσ Σπάρτησ ὁ Φιλοποίμην ἁρπάσασ τὸν καιρὸν ἐπιπίπτει μετὰ δυνάμεωσ, καὶ τῶν μὲν ἀκόντων, τοὺσ δὲ συμπείσασ προσηγάγετο καὶ μετεκόμισεν εἰσ τοὺσ Ἀχαιοὺσ τὴν πόλιν.

οὗ γενομένου θαυμαστῶσ μὲν εὐδοκίμησε παρὰ τοῖσ Ἀχαιοῖσ, προσκτησάμενοσ αὐτοῖσ ἀξίωμα πόλεωσ τηλικαύτησ καὶ δύναμιν οὐ γὰρ ἦν μικρὸν Ἀχαϊάσ μέροσ γενέσθαι τὴν Σπάρτην, ἀνέλαβε δὲ καὶ Λακεδαιμονίων τοὺσ ἀρίστουσ, φύλακα τῆσ ἐλευθερίασ ἐκεῖνον ἐλπίσαντασ ἕξειν.

διὸ καὶ τὴν Νάβιδοσ οἰκίαν καὶ οὐσίαν ἐξαργυρισθεῖσαν καὶ γενομένην εἴκοσι καὶ ἑκατὸν ταλάντων ἐψηφίσαντο δωρεὰν αὐτῷ δοῦναι, πρεσβείαν ὑπὲρ τούτων πέμψαντεσ.

ἔνθα δὴ καὶ διεφάνη καθαρῶσ ἐκεῖνοσ ὁ ἀνὴρ οὐ δοκῶν μόνον, ἀλλὰ καὶ ὢν ἄριστοσ, πρῶτον μὲν γὰρ οὐδεὶσ ἐβούλετο τῶν Σπαρτιατῶν ἀνδρὶ τοιούτῳ διαλέγεσθαι περὶ δωροδοκίασ, ἀλλὰ δεδοικότεσ καὶ ἀναδυόμενοι προεβάλοντο τὸν ξένον αὐτοῦ Τιμόλαον. ἔπειτα δὲ αὐτὸσ ὁ Τιμόλαοσ, ὡσ ἦλθεν εἰσ Μεγάλην πόλιν, ἑστιαθεὶσ παρὰ τῷ Φιλοποίμενι καὶ τὴν σεμνότητα τῆσ ὁμιλίασ αὐτοῦ καὶ τὴν ἀφέλειαν τῆσ διαίτησ καὶ τὸ ἦθοσ ἐγγύθεν οὐδαμῇ προσιτὸν οὐδὲ εὐάλωτον ὑπὸ χρημάτων κατανοήσασ, ἀπεσιώπησε περὶ τῆσ δωρεᾶσ, ἑτέραν δέ τινα πρόφασιν τῆσ πρὸσ αὐτὸν ὁδοῦ ποιησάμενοσ ᾤχετο ἀπιών.

τρίτῃ δὲ ὁδῷ μόλισ ἐντυχὼν ἐδήλωσε τὴν προθυμίαν τῆσ πόλεωσ, ὁ δὲ Φιλοποίμην ἡδέωσ ἀκούσασ ἧκεν αὐτὸσ εἰσ Λακεδαίμονα, καὶ συνεβούλευσεν αὐτοῖσ μὴ τοὺσ φίλουσ καὶ ἀγαθοὺσ δεκάζειν, ὧν προῖκα τῆσ ἀρετῆσ ἔξεστιν ἀπολαύειν, ἀλλὰ τοὺσ πονηροὺσ καὶ τὴν πόλιν ἐν τῷ συνεδρίῳ καταστασιάζοντασ ὠνεῖσθαι καὶ διαφθείρειν, ἵνα τῷ λαβεῖν ἐπιστομισθέντεσ ἧττον ἐνοχλοῖεν αὐτοῖσ βέλτιον γὰρ εἶναι τῶν ἐχθρῶν παραιρεῖσθαι τὴν παρρησίαν ἢ τῶν φίλων, οὕτωσ μὲν ἦν πρὸσ χρήματα λαμπρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 15

(플루타르코스, Philopoemen, chapter 15)

상위

목록

SEARCH

MENU NAVIGATION