헬라어 문장 검색 - Πλυταρ́Πηιλοπό12́

(플루타르코스, Philopoemen, chapter 12)

παρὰ δὲ τὰσ μάχασ καὶ τοὺσ κινδύνουσ, ὥσπερ οἱ πῶλοι τοὺσ συνήθεισ ἐπιβάτασ ποθοῦντεσ, ἐὰν ἄλλον φέρωσι, πτύρονται καὶ ξενοπαθοῦσιν, οὕτωσ ἡ δύναμισ τῶν Ἀχαιῶν ἑτέρου στρατηγοῦντοσ ἠθύμει καὶ πρὸσ ἐκεῖνον ἐπάπταινε καὶ μόνον ὀφθέντοσ εὐθὺσ ὀρθὴ καὶ δραστήριοσ ἦν διὰ τὸ θαρρεῖν, ἅτε δὴ καὶ τοὺσ ἐναντίουσ αἰσθανόμενοι πρὸσ ἕνα τοῦτον τῶν στρατηγῶν ἀντιβλέπειν οὐ δυναμένουσ, ἀλλὰ καὶ τὴν δόξαν αὐτοῦ καὶ τοὔνομα δεδοικότασ, ὡσ ἦν φανερὸν ἐξ ὧν ἔπρασσον. Φίλιπποσ μὲν γὰρ ὁ τῶν Μακεδόνων βασιλεύσ οἰόμενοσ, ἂν ἐκποδὼν ὁ Φιλοποίμην γένηται, πάλιν ὑποπτήξειν αὐτῷ τοὺσ Ἀχαιούσ, ἔπεμψεν εἰσ Ἄργοσ κρύφα τοὺσ ἀναιρήσοντασ αὐτόν ἐπιγνωσθείσησ δὲ τῆσ ἐπιβουλῆσ παντάπασιν ἐξεμισήθη καὶ διεβλήθη πρὸσ τοὺσ Ἕλληνασ.

Βοιωτοὶ δὲ πολιορκοῦντεσ Μέγαρα καὶ λήψεσθαι ταχέωσ ἐλπίζοντεσ, ἐξαίφνησ λόγου προσπεσόντοσ αὐτοῖσ, ὃσ οὐκ ἦν ἀληθήσ, Φιλοποίμενα βοηθοῦντα τοῖσ πολιορκουμένοισ ἐγγὺσ εἶναι, τὰσ κλίμακασ ἀφέντεσ ἤδη προσερηρεισμένασ τοῖσ τείχεσιν ᾤχοντο φεύγοντεσ.

Νάβιδοσ δὲ τοῦ μετὰ Μαχανίδαν τυραννοῦντοσ Λακεδαιμονίων Μεσσήνην ἄφνω καταλαβόντοσ, ἐτύγχανε μὲν ἰδιώτησ ὢν τότε ὁ Φιλοποίμην καὶ δυνάμεωσ οὐδεμιᾶσ κύριοσ, ἐπεὶ δὲ τὸν στρατηγοῦντα τῶν Ἀχαιῶν Λύσιππον οὐκ ἔπειθε βοηθεῖν τοῖσ Μεσσηνίοισ, ἀπολωλέναι κομιδῇ φάσκοντα τὴν πόλιν ἔνδον γεγονότων τῶν πολεμίων, αὐτὸσ ἐβοήθει τοὺσ ἑαυτοῦ πολίτασ ἀναλαβών οὔτε νόμον οὔτε χειροτονίαν περιμείναντασ, ἀλλ’ ὡσ διὰ παντὸσ ἄρχοντι τῷ κρείττονι κατὰ φύσιν ἑπομένουσ.

ἤδη δ’ αὐτοῦ πλησίον ὄντοσ ἀκούσασ ὁ Νάβισ οὐχ ὑπέστη, καίπερ ἐν τῇ πόλει στρατοπεδεύων, ἀλλ’ ὑπεκδὺσ διὰ πυλῶν ἑτέρων κατὰ τάχοσ ἀπήγαγε τὴν δύναμιν, εὐτυχίᾳ χρήσεσθαι δοκῶν εἰ διαφύγοι·

καὶ διέφυγε, Μεσσήνη δ’ ἠλευθέρωτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 12

(플루타르코스, Philopoemen, chapter 12)

상위

목록

SEARCH

MENU NAVIGATION