헬라어 문장 검색 - Πλυταρ́Πηιλοπό06́

(플루타르코스, Philopoemen, chapter 6)

ἐπεὶ δὲ Ἀντίγονοσ ὁ βασιλεὺσ βοηθῶν ἐπὶ τὸν Κλεομένην μετὰ τῶν Ἀχαιῶν ἐστράτευσε, καὶ τὰσ περὶ Σελλασίαν ἄκρασ καὶ τὰσ ἐμβολὰσ κατέχοντοσ αὐτοῦ παρέταξε τὴν δύναμιν ἐγγύσ ἐπιχειρεῖν καὶ βιάζεσθαι διανοούμενοσ, ἦν μὲν ἐν τοῖσ ἱππεῦσι μετὰ τῶν ἑαυτοῦ πολιτῶν τεταγμένοσ ὁ Φιλοποίμην, καὶ παραστάτασ εἶχεν Ἰλλυριούσ, οἷσ τὰ λήγοντα τῆσ παρατάξεωσ συνεπέφρακτο πολλοῖσ οὖσι καὶ μαχίμοισ. εἴρητο δὲ αὐτοῖσ ἐφεδρεύουσιν ἡσυχίαν ἔχειν ἄχρι ἂν ἀπὸ θατέρου κέρωσ ὑπὸ τοῦ βασιλέωσ ἀρθῇ φοινικὶσ ὑπὲρ σαρίσησ διατεταμένη.

τῶν δὲ ἡγεμόνων τοῖσ Ἰλλυριοῖσ πειρωμένων ἐκβιάζεσθαι τοὺσ Λακεδαιμονίουσ, καὶ τῶν Ἀχαιῶν, ὥσπερ προσετέτακτο, τὴν ἐφεδρείαν ἐν τάξει διαφυλαττόντων, Εὐκλείδασ ὁ τοῦ Κλεομένουσ ἀδελφὸσ καταμαθὼν τὸ γινόμενον διάσπασμα περὶ τοὺσ πολεμίουσ ταχὺ τοὺσ ἐλαφροτάτουσ τῶν ψιλῶν περιέπεμψεν, ἐξόπισθεν τοῖσ Ἰλλυριοῖσ ἐπιπεσεῖν κελεύσασ καὶ περισπᾶν ἐρήμουσ τῶν ἱππέων ἀπολελειμμένουσ. γινομένων δὲ τούτων καὶ τῶν ψιλῶν τοὺσ Ἰλλυριοὺσ περισπώντων καὶ διαταραττόντων, συνιδὼν ὁ Φιλοποίμην οὐ μέγα ὂν ἔργον ἐπιθέσθαι τοῖσ ψιλοῖσ καὶ τὸν καιρὸν ὑφηγούμενον τοῦτο, πρῶτον μὲν ἔφραζε τοῖσ βασιλικοῖσ , ὡσ δὲ οὐκ ἔπειθεν, ἀλλὰ μαίνεσθαι δοκῶν κατεφρονεῖτο, οὐδέπω μεγάλησ οὐδὲ ἀξιοπίστου πρὸσ τηλικοῦτο στρατήγημα δόξησ περὶ αὐτὸν οὔσησ, αὐτὸσ ἐμβάλλει συνεπισπασάμενοσ τοὺσ πολίτασ.

γενομένησ δὲ ταραχῆσ τὸ πρῶτον, εἶτα φυγῆσ καὶ φόνου πολλοῦ τῶν ψιλῶν, βουλόμενοσ ἔτι μᾶλλον ἐπιρρῶσαι τοὺσ βασιλικοὺσ καὶ προσμῖξαι κατὰ τάχοσ θορυβουμένοισ τοῖσ πολεμίοισ τὸν μὲν ἵππον ἀφῆκεν, αὐτὸσ δὲ πρὸσ χωρία σκολιὰ καὶ μεστὰ ῥείθρων καὶ φαράγγων πεζὸσ ἐν ἱππικῷ θώρακι καὶ σκευῇ βαρυτέρᾳ χαλεπῶσ καὶ ταλαιπώρωσ ἁμιλλώμενοσ διελαύνεται διαμπερὲσ ὁμοῦ τοὺσ μηροὺσ ἑκατέρουσ ἑνὶ μεσαγκύλῳ, καιρίασ μὲν οὐ γενομένησ, ἰσχυρᾶσ δὲ τῆσ πληγῆσ, ὥστε τὴν αἰχμὴν ἐπὶ θάτερα διῶσαι.

τὸ μὲν οὖν πρῶτον ἐνσχεθεὶσ ὥσπερ δεσμῷ παντάπασιν ἀπόρωσ εἶχε·

τὸ γὰρ ἔναμμα τῆσ ἀγκύλησ χαλεπὴν ἐποίει τοῦ ἀκοντίσματοσ ἀνελκομένου διὰ τῶν τραυμάτων τὴν πάροδον· ὡσ δὲ ὤκνουν οἱ παρόντεσ ἅψασθαι καὶ τῆσ μάχησ ἀκμὴν ὀξεῖαν ἐχούσησ ἐσφάδαζεν ὑπὸ θυμοῦ καὶ φιλοτιμίασ πρὸσ τὸν ἀγῶνα, τῇ παραβάσει καὶ τῇ παραλλάξει τῶν σκελῶν διὰ μέσου κλάσασ τὸ ἀκόντισμα χωρὶσ ἐκέλευσεν ἑλκύσαι τῶν ἀγμάτων ἑκάτερον. οὕτω δὲ ἀπαλλαγεὶσ καὶ σπασάμενοσ τὸ ξίφοσ ἐχώρει διὰ τῶν προμάχων ἐπὶ τοὺσ πολεμίουσ, ὥστε πολλὴν προθυμίαν καὶ ζῆλον ἀρετῆσ παρασχεῖν τοῖσ ἀγωνιζομένοισ.

"ἔργον ἡγεμόνοσ μεγάλου πεποίηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 6

(플루타르코스, Philopoemen, chapter 6)

상위

목록

SEARCH

MENU NAVIGATION