헬라어 문장 검색 - Πλυταρ́Πηιλοπό04́

(플루타르코스, Philopoemen, chapter 4)

ἀπαλλαγεὶσ δὲ διδασκάλων καὶ παιδαγωγῶν ἐν μὲν ταῖσ πολιτικαῖσ στρατείαισ, ἃσ ̣ ἐποιοῦντο κλωπείασ ἕνεκα καὶ λεηλασίασ εἰσ τὴν Λακωνικὴν ἐμβάλλοντεσ, εἴθισεν αὑτὸν πρῶτον μὲν ἐκστρατευόντων, ὕστατον δὲ ἀπερχομένων βαδίζειν. σχολῆσ δὲ οὔσησ ἢ κυνηγῶν διεπόνει τὸ σῶμα καὶ κατεσκεύαζε κοῦφον ἅμα καὶ ῥωμαλέον, ἢ γεωργῶν, ἦν γὰρ ἀγρὸσ αὐτῷ καλὸσ ἀπὸ ̣ σταδίων εἴκοσι τῆσ πόλεωσ, εἰσ τοῦτον ἐβάδιζε καθ’ ἡμέραν μετὰ τὸ ἄριστον ἢ μετὰ τὸ δεῖπνον, καὶ καταβαλὼν ἑαυτὸν ἐπὶ στιβαδίου τοῦ τυχόντοσ ὥσπερ ἕκαστοσ τῶν ἐργατῶν ἀνεπαύετο.

πρωῒ δὲ ἀναστὰσ καὶ συνεφαψάμενοσ ἔργου τοῖσ ἀμπελουργοῦσιν ἢ βοηλατοῦσιν, αὖθισ εἰσ πόλιν ἀπῄει καὶ περὶ τὰ δημόσια τοῖσ φίλοισ καὶ τοῖσ ἄρχουσι συνησχολεῖτο. τὰ μὲν οὖν ἐκ τῶν στρατειῶν προσιόντα κατάνλισκεν εἰσ ἵππουσ καὶ ὅπλα καὶ λύσεισ αἰχμαλώτων, τὸν δὲ οἶκον ἀπὸ τῆσ γεωργίασ αὔξειν ἐπειρᾶτο δικαιοτάτῳ τῶν χρηματισμῶν, οὐδὲ τοῦτο ποιούμενοσ πάρεργον, ἀλλὰ καὶ πάνυ προσήκειν ̣

οἰόμενοσ οἰκεῖα κεκτῆσθαι τὸν ἀλλοτρίων ἀφεξόμενον. ἠκροᾶτο δὲ λόγων καὶ συγγράμμασι φιλοσόφων ἐνετύγχανεν, οὐ πᾶσιν, ἀλλ’ ἀφ’ ὧν ἐδόκει πρὸσ ἀρετὴν ὠφελεῖσθαι. καὶ τῶν Ὁμηρικῶν ὅσα τὰσ πρὸσ ἀνδρείαν ἐγείρειν καὶ παροξύνειν ἐνόμιζε φαντασίασ, τούτοισ προσεῖχε.

τῶν δ’ ἄλλων ἀναγνωσμάτων μάλιστα τοῖσ Εὐαγγέλου τακτικοῖσ ἐνεφύετο καὶ τὰσ περὶ Ἀλέξανδρον ἱστορίασ κατεῖχε, τοὺσ λόγουσ ἐπὶ τὰ πράγματα καταστρέφειν οἰόμενοσ, εἰ μὴ σχολῆσ ἕνεκα καὶ λαλιᾶσ ἀκάρπου περαίνοιντο. ἐοίκε γὰρ οὗτοσ ὁ ἀνὴρ περαιτέρω τῆσ ἀνάγκησ ἐμφιλοκαλῆσαι τοῖσ στρατιωτικοῖσ, καὶ τὸν πόλεμον ὡσ ποικιλωτάτην ὑπόθεσιν τῆσ ἀρετῆσ ἀσπάσασθαι, καὶ ὅλωσ καταφρονεῖν τῶν ἀπολειπομένων ὡσ ἀπράκτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Philopoemen, chapter 4

(플루타르코스, Philopoemen, chapter 4)

상위

목록

SEARCH

MENU NAVIGATION