헬라어 문장 검색 - Πλυταρ́Λψξυργύ28́

(플루타르코스, Lycurgus, chapter 28)

ἐν μὲν οὖν τούτοισ οὐδέν ἐστιν ἀδικίασ ἴχνοσ οὐδὲ πλεονεξίασ, ἣν ἐγκαλοῦσιν ἔνιοι τοῖσ Λυκούργου νόμοισ, ὡσ ἱκανῶσ ἔχουσι πρὸσ ἀνδρείαν, ἐνδεῶσ δὲ πρὸσ δικαιοσύνην. ἡ δὲ καλουμένη κρυπτεία παρ’ αὐτοῖσ, εἴ γε δὴ τοῦτο τῶν Λυκούργου πολιτευμάτων ἕν ἐστιν, ὡσ Ἀριστοτέλησ ἱστόρηκε, ταύτην ἂν εἰή καὶ τῷ Πλάτωνι περὶ τῆσ πολιτείασ καὶ τοῦ ἀνδρὸσ ἐνειργασμένη δόξαν. ἦν δὲ τοιαύτη· τῶν νέων οἱ ἄρχοντεσ διὰ χρόνου τοὺσ μάλιστά νοῦν ἔχειν δοκοῦντασ εἰσ τὴν χώραν ἄλλωσ ἐξέπεμπον, ἔχοντασ ἐγχειρίδια καὶ τροφὴν ἀναγκαίαν, ἄλλο δὲ οὐδέν·

οἱ δὲ μεθ’ ἡμέραν μὲν εἰσ ἀσυνδήλουσ διασπειρόμενοι τόπουσ, ἀπέκρυπτον ἑαυτοὺσ καὶ ἀνεπαύοντο, νύκτωρ δὲ κατιόντεσ εἰσ τὰσ ὁδοὺσ τῶν εἱλώτων τὸν ἁλισκόμενον ἀπέσφαττον. πολλάκισ δὲ καὶ τοῖσ ἀγροῖσ ἐπιπορευόμενοι τοὺσ ῥωμαλεωτάτουσ καὶ κρατίστουσ αὐτῶν ἀνῄρουν.

ὥσπερ καὶ Θουκυδίδησ ἐν τοῖσ Πελοποννησιακοῖσ ἱστορεῖ τοὺσ ἐπ’ ἀνδρείᾳ προκριθέντασ ὑπὸ τῶν Σπαρτιατῶν στεφανώσασθαι μὲν ὡσ ἐλευθέρουσ γεγονότασ καὶ περιελθεῖν τὰ τῶν θεῶν ἱερά, μικρὸν δὲ ὕστερον ἅπαντασ ἀφανεῖσ γενέσθαι, πλείονασ ἢ δισχιλίουσ ὄντασ, ὡσ μήτε παραχρῆμα μήτε ὕστερον ἔχειν τινὰ λέγειν ὅτῳ τρόπῳ διεφθάρησαν. Ἀριστοτέλησ δὲ μάλιστά φησι καὶ τοὺσ ἐφόρουσ, ὅταν εἰσ τὴν ἀρχὴν καταστῶσι πρῶτον, τοῖσ εἵλωσι καταγγέλλειν πόλεμον, ὅπωσ εὐαγὲσ ᾖ τὸ ἀνελεῖν.

καὶ τἆλλα δὲ τραχέωσ προσεφέροντο καὶ σκληρῶσ αὐτοῖσ, ὥστε καὶ πίνειν ἀναγκάζοντεσ πολὺν ἄκρατον εἰσ τὰ συσσίτια παρεισῆγον, ἐπιδεικνύμενοι τὸ μεθύειν οἱο͂́ν ἐστι τοῖσ νέοισ. καὶ ᾠδὰσ ἐκέλευον ᾄδειν καὶ χορείασ χορεύειν ἀγεννεῖσ καὶ καταγελάστουσ, ἀπέχεσθαι δὲ τῶν ἐλευθέρων. διὸ καί φασιν ὕστερον ἐν τῇ Θηβαίων εἰσ τὴν Λακωνικὴν στρατείᾳ τοὺσ ἁλισκομένουσ εἵλωτασ κελευομένουσ ᾄδειν τὰ Τερπάνδρου καὶ Ἀλκμᾶνοσ καὶ Σπένδοντοσ τοῦ Λάκωνοσ παραιτεῖσθαι, φάσκοντασ οὐκ ἐθέλειν τοὺσ δεσποσύνουσ.

ὥστε τοὺσ λέγοντασ, ἐν Λακεδαίμονι καὶ τὸν ἐλεύθερον μάλιστά ἐλεύθερον εἶναι καὶ τὸν δοῦλον μάλιστά δοῦλον, οὐ φαύλωσ τεθεωρηκέναι τὴν διαφοράν. τὰσ μὲν οὖν τοιαύτασ χαλεπότητασ ὕστερον ἐγγενέσθαι τοῖσ Σπαρτιάταισ νομίζω, μάλιστά μετὰ τὸν μέγαν σεισμόν, ᾧ συνεπιθέσθαι τοὺσ εἵλωτασ μετὰ Μεσσηνίων ἱστοροῦσι, καὶ πλεῖστα κακὰ τὴν χώραν ἐργάσασθαι καὶ μέγιστον τῇ πόλει περιστῆσαι κίνδυνον.

οὐ γὰρ ἂν ἔγωγε προσθείην Λυκούργῳ μιαρὸν οὕτω τῆσ κρυπτείασ ἔργον ἀπὸ τῆσ ἄλλησ αὐτοῦ πρᾳότητοσ καὶ δικαιοσύνησ τεκμαιρόμενοσ τὸν τρόπον, ᾧ καὶ τὸ δαιμόνιον ἐπεμαρτύρησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 28

(플루타르코스, Lycurgus, chapter 28)

상위

목록

SEARCH

MENU NAVIGATION