헬라어 문장 검색 - Πλυταρ́Λψξυργύ22́

(플루타르코스, Lycurgus, chapter 22)

τότε δὲ καὶ τοῖσ νέοισ τὰ σκληρότατα τῆσ ἀγωγῆσ ἐπανιέντεσ, οὐκ ἐκώλυον καλλωπίζεσθαι περὶ κόμην καὶ κόσμον ὅπλων καὶ ἱματίων, χαίροντεσ, ὥσπερ ἵπποισ, γαυριῶσι καὶ φρυαττομένοισ πρὸσ τοὺσ ἀγῶνασ, διὸ κομῶντεσ εὐθὺσ ἐκ τῆσ τῶν ἐφήβων ἡλικίασ, μάλιστα περὶ τοὺσ κινδύνουσ ἐθεράπευον τὴν κόμην λιπαράν τε φαίνεσθαι καὶ διακεκριμένην, ἀπομνημονεύοντέσ τινα καὶ Λυκούργου λόγον περὶ τῆσ κόμησ, ὅτι τοὺσ μὲν καλοὺσ εὐπρεπεστέρουσ ποιεῖ, τοὺσ δὲ αἰσχροὺσ φοβερωτέρουσ. ἐχρῶντο δὲ καὶ γυμνασίοισ μαλακωτέροισ παρὰ τὰσ στρατείασ, καὶ τὴν ἄλλην δίαιταν οὐχ οὕτω κεκολασμένην οὐδ’ ὑπεύθυνον τοῖσ νέοισ παρεῖχον, ὥστε μόνοισ ἀνθρώπων ἐκείνοισ τῆσ εἰσ τὸν πόλεμον ἀσκήσεωσ ἀνάπαυσιν εἶναι τὸν πόλεμον.

ἤδη δὲ συντεταγμένησ τῆσ φάλαγγοσ αὐτῶν καὶ τῶν πολεμίων παρόντων, ὁ βασιλεὺσ ἅμα τήν τε χίμαιραν ἐσφαγιάζετο καὶ στεφανοῦσθαι παρήγγελλε πᾶσι καὶ τοὺσ αὐλητὰσ αὐλεῖν ἐκέλευε τὸ Καστόρειον μέλοσ· ἅμα δ̓ ἐξῆρχεν ἐμβατηρίου παιᾶνοσ, ὥστε σεμνὴν ἅμα καὶ καταπληκτικὴν τὴν ὄψιν εἶναι, ῥυθμῷ τε πρὸσ τὸν αὐλὸν ἐμβαινόντων καὶ μήτε διάσπασμα ποιούντων ἐν τῇ φάλαγγι μήτε ταῖσ ψυχαῖσ θορυβουμένων, ἀλλὰ πρᾴωσ καὶ ἱλαρῶσ ὑπὸ τοῦ μέλουσ ἀγομένων ἐπὶ τὸν κίνδυνον.

οὔτε γάρ φόβον οὔτε θυμὸν ἐγγίνεσθαι πλεονάζοντα τοῖσ οὕτω διακειμένοισ εἰκόσ ἐστιν, ἀλλ’ εὐσταθὲσ φρόνημα μετ’ ἐλπίδοσ καὶ θράσουσ, ὡσ τοῦ θεοῦ συμπαρόντοσ. ἐχώρει δὲ ὁ βασιλεὺσ ἐπὶ τοὺσ πολεμίουσ ἔχων μεθ’ ἑαυτοῦ στεφανίτην ἀγῶνα νενικηκότα.

"τί σοι πλέον, ὦ Λάκων, γέγονε διὰ τῆσ νίκησ; "πρὸ τοῦ βασιλέωσ τεταγμένοσ μαχοῦμαι τοῖσ πολεμίοισ. τρεψάμενοι δὲ καὶ νικήσαντεσ ἐδίωκον ὅσον ἐκβεβαιώσασθαι τὸ νίκημα τῇ φυγῇ τῶν πολεμίων, εἶτα εὐθὺσ ἀνεχώρουν, οὔτε γενναῖον οὔτε Ἑλληνικὸν ἡγούμενοι κόπτειν καὶ φονεύειν ἀπολεγομένουσ καὶ παρακεχωρηκότασ.

ἦν δὲ οὐ μόνον καλὸν τοῦτο καὶ μεγαλόψυχον, ἀλλὰ καὶ χρήσιμον. εἰδότεσ γὰρ οἱ μαχόμενοι πρὸσ αὐτοὺσ ὅτι τοὺσ ὑφισταμένουσ ἀναιροῦσι, φείδονται δὲ τῶν ἐνδιδόντων, τοῦ μένειν τὸ φεύγειν ἡγοῦντο λυσιτελέστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 22

(플루타르코스, Lycurgus, chapter 22)

상위

목록

SEARCH

MENU NAVIGATION