헬라어 문장 검색 - Πλυταρ́Λψξυργύ12́

(플루타르코스, Lycurgus, chapter 12)

τὰ δὲ συσσίτια Κρῆτεσ μὲν ἀνδρεῖα, Λακεδαιμόνιοι δὲ φιδίτια προσαγορεύουσιν, εἴτε ὡσ φιλίασ καὶ φιλοφροσύνησ ὑπαρχόντων, ἀντὶ τοῦ λ τὸ δ λαμβάνοντεσ, εἴτε ὡσ πρὸσ εὐτέλειαν καὶ φειδὼ συνεθιζόντων. οὐδὲν δὲ κωλύει καὶ τὸν πρῶτον ἔξωθεν ἐπικεῖσθαι φθόγγον, ὥσπερ ἔνιοί φασιν, ἐδιτίων παρὰ τὴν δίαιταν καὶ τὴν ἐδωδὴν λεγομένων, συνήρχοντο δὲ ἀνὰ πεντεκαίδεκα καὶ βραχεῖ τούτων ἐλάττουσ ἢ πλείουσ. ἔφερε δὲ ἕκαστοσ κατὰ μῆνα τῶν συσσίτων ἀλφίτων μέδιμνον, οἴνου χόασ ὀκτώ, τυροῦ πέντε μνᾶσ, σύκων ἡμιμναῖα πέντε, πρὸσ δὲ τούτοισ εἰσ ὀψωνίαν μικρόν τι κομιδῇ νομίσματοσ·

ἄλλωσ δὲ καὶ θύσασ τισ ἀπαρχὴν καὶ θηρεύσασ μέροσ ἔπεμψεν εἰσ τὸ συσσίτιον. ἐξῆν γὰρ οἴκοι δειπνεῖν ὁπότε θύσασ τισ ἢ κυνηγῶν ὀψίσειε, τοὺσ δὲ ἄλλουσ ἔδει παρεῖναι. καὶ μέχρι γε πολλοῦ τὰσ συσσιτήσεισ ἀκριβῶσ διεφύλαττον.

Ἄγιδοσ γοῦν τοῦ βασιλέωσ, ὡσ ἐπανῆλθεν ἀπὸ τῆσ στρατείασ καταπεπολεμηκὼσ Ἀθηναίουσ, βουλομένου παρὰ τῇ γυναικὶ δειπνεῖν καὶ μεταπεμπομένου τὰσ μερίδασ, οὐκ ἔπεμψαν οἱ πολέμαρχοι, τοῦ δὲ μεθ’ ἡμέραν ὑπ’ ὀργῆσ μὴ θύσαντοσ ἣν ἔδει θυσίαν, ἐζημίωσαν αὐτόν. εἰσ δὲ τὰ συσσίτια καὶ παῖδεσ ἐφοίτων, ὥσπερ εἰσ διδασκαλεῖα σωφροσύνησ ἀγόμενοι, καὶ λόγων ἠκροῶντο πολιτικῶν καὶ παιδευτὰσ ἐλευθερίασ ἑώρων, αὐτοί τε παίζειν εἰθίζοντο καὶ σκώπτειν ἄνευ βωμολοχίασ καὶ σκωπτόμενοι μὴ δυσχεραίνειν.

σφόδρα γάρ ἐδόκει καὶ τοῦτο Λακωνικὸν εἶναι, σκώμματοσ ἀνέχεσθαι μὴ φέροντα δὲ ἐξῆν παραιτεῖσθαι, καὶ ὁ σκώπτων ἐπέπαυτο. δοκιμάζεσθαι δὲ τὸν βουλόμενον τοῦ συσσιτίου μετασχεῖν οὕτω φασί.

λαβὼν τῶν συσσίτων ἕκαστοσ ἀπομαγδαλίαν εἰσ τὴν χεῖρα, τοῦ διακόνου φέροντοσ ἀγγεῖον ἐπὶ τῆσ κεφαλῆσ, ἔβαλλε σιωπῇ καθάπερ ψῆφον, ὁ μὲν δοκιμάζων ἁπλῶσ, ὁ δ̓ ἐκκρίνων σφόδρα τῇ χειρὶ πιέσασ. ἡ γὰρ πεπιεσμένη τὴν τῆσ τετρημένησ ἔχει δύναμιν.

κἂν μίαν εὑρ́ωσι τοιαύτην, οὐ προσδέχονται τὸν ἐπεισιόντα, βουλόμενοι πάντασ ἡ δομένουσ ἀλλήλοισ συνεῖναι. τὸν δὲ οὕτωσ ἀποδοκιμασθέντα κεκαδδίσθαι λέγουσι· κάδδιχοσ γὰρ καλεῖται τὸ ἀγγεῖον εἰσ ὃ τὰσ ἀπομαγδαλίασ ἐμβάλλουσι, τῶν δὲ ὄψων εὐδοκίμει μάλιστα παρ’ αὐτοῖσ ὁ μέλασ ζωμόσ, ὥστε μηδὲ κρεαδίου δεῖσθαι τοὺσ πρεσβυτέρουσ, ἀλλὰ παραχωρεῖν τοῖσ νεανίσκοισ, αὐτοὺσ δὲ τοῦ ζωμοῦ καταχεομένουσ ἑστιᾶσθαι. λέγεται δέ τινα τῶν Ποντικῶν βασιλέων ἕνεκα τοῦ ζωμοῦ καὶ πρίασθαι Λακωνικὸν μάγειρον εἶτα γευσάμενον δυσχερᾶναι·

"ὦ βασιλεῦ, τοῦτον δεῖ τὸν ζωμὸν ἐν τῷ Εὐρώτᾳ λελουμένουσ ἐποψᾶσθαι. πιόντεσ δὲ μετρίωσ ἀπίασι δίχα λαμπάδοσ, οὐ γάρ ἔξεστι πρὸσ φῶσ βαδίζειν, οὔτε ταύτην οὔτε ἄλλην ὁδόν, ὅπωσ ἐθίζωνται σκότουσ καὶ νυκτὸσ εὐθαρσῶσ καὶ ἀδεῶσ ὁδεύειν. τὰ μὲν οὖν συσσίτια τοιαύτην ἔχει τάξιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 12

(플루타르코스, Lycurgus, chapter 12)

상위

목록

SEARCH

MENU NAVIGATION