헬라어 문장 검색 - Πλυταρ́Λψξυργύ11́

(플루타르코스, Lycurgus, chapter 11)

διὸ καὶ μάλιστά φασι τῷ Λυκούργῳ πρὸσ τοῦτο τὸ πολίτευμα χαλεποὺσ γενέσθαι τοὺσ εὐπόρουσ, καὶ συστάντασ ἐπ’ αὐτὸν ἀθρόουσ καταβοᾶν καὶ ἀγανακτεῖν τέλοσ δὲ βαλλόμενοσ ὑπὸ πολλῶν ἐξέπεσε τῆσ ἀγορᾶσ δρόμῳ. καὶ τοὺσ μὲν ἄλλουσ ἔφθασεν εἷσ ἱερὸν καταφυγών εἷσ δέ τισ νεανίσκοσ, ἄλλωσ μὲν οὐκ ἀφυήσ, ὀξὺσ δὲ καὶ θυμοειδήσ, Ἄλκανδροσ, ἐπικείμενοσ καὶ διώκων ἐπιστραφέντοσ αὐτοῦ τῇ βακτηρίᾳ πατάξασ τὸν ὀφθαλμὸν ἐξέκοψεν. ὁ μὲν οὖν Λυκοῦργοσ οὐδὲν ἐνδοὺσ πρὸσ τὸ πάθοσ, ἀλλὰ στὰσ ἐναντίοσ ἔδειξε τοῖσ πολίταισ τὸ πρόσωπον ᾑμαγμένον καὶ διεφθαρμένην τὴν ὄψιν αἰδὼσ δὲ πολλὴ καὶ κατήφεια τοὺσ ἰδόντασ ἔσχεν, ὥστε παραδοῦναι τὸν Ἄλκανδρον αὐτῷ καὶ προπέμψαι μέχρι τῆσ οἰκίασ συναγανακτοῦντασ.

ὁ δὲ Λυκοῦργοσ ἐκείνουσ μὲν ἐπαινέσασ ἀφῆκε, τὸν δὲ Ἄλκανδρον εἰσαγαγὼν οἴκαδε κακὸν μὲν οὐδὲν οὔτ’ ἐποίησεν οὔτ’ εἶπεν, ἀπαλλάξασ δὲ τοὺσ συνήθεισ ὑπηρέτασ καὶ θεραπευτῆρασ ἐκεῖνον ἐκέλευσεν ὑπηρετεῖν. ὁ δὲ οὐκ ὢν ἀγεννὴσ ἐποίει τὸ προσταττόμενον σιωπῇ, καὶ παραμένων ἅμα τῷ Λυκούργῳ καὶ συνδιαιτώμενοσ ἐν τῷ κατανοεῖν τὴν πρᾳότητα καὶ τὸ ἀπαθὲσ αὐτοῦ τῆσ ψυχῆσ καὶ τὸ περὶ τὴν δίαιταν αὐστηρὸν καὶ τὸ πρὸσ τοὺσ πόνουσ ἄκαμπτον, αὐτόσ τε δεινῶσ διετέθη περὶ τὸν ἄνδρα, καὶ πρὸσ τοὺσ συνήθεισ καὶ φίλουσ ἔλεγεν ὡσ οὐ σκληρὸσ οὐδ’ αὐθάδησ ὁ Λυκοῦργοσ, ἀλλὰ μόνοσ ἥμεροσ καὶ πρᾷόσ ἐστι τοῖσ ἄλλοισ.

οὕτω μὲν οὖν οὗτοσ ἐκεκόλαστο καὶ τοιαύτην ὑπεσχήκει δίκην, ἐκ πονηροῦ νέου καὶ αὐθάδουσ ἐμμελέστατοσ ἀνὴρ καὶ σωφρονικώτατοσ γενόμενοσ, τοῦ δὲ πάθουσ ὑπόμνημα Λυκοῦργοσ ἱδρύσατο τῆσ Ἀθηνᾶσ ἱερόν, ἣν Ὀπτιλῖτιν προσηγόρευσε·

τοὺσ γὰρ ὀφθαλμοὺσ ὀπτίλουσ οἱ τῇδε Δωριεῖσ καλοῦσιν. ἔνιοι μέντοι τὸν Λυκοῦργον, ὧν καὶ Διοσκορίδησ ἐστὶν ὁ συντεταγμένοσ τὴν Λακωνικὴν πολιτείαν, πληγῆναι μέν φασιν, οὐ τυφλωθῆναι δὲ τὸν ὀφθαλμόν, ἀλλὰ καὶ τὸ ἱερὸν τῇ θεῷ τῆσ ἀκέσεωσ χαριστήριον ἱδρύσασθαι. τὸ μέντοι φέρειν βακτηρίαν ἐκκλησιάζοντεσ οἱ Σπαρτιᾶται μετὰ τὴν συμφορὰν ἐκείνην ἀπέμαθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 11

(플루타르코스, Lycurgus, chapter 11)

상위

목록

SEARCH

MENU NAVIGATION