헬라어 문장 검색 - Πλυταρ́Λψξυργύ01́

(플루타르코스, Lycurgus, chapter 1)

περὶ Λυκούργου τοῦ νομοθέτου καθόλου μὲν οὐδὲν ἔστιν εἰπεῖν ἀναμφισβήτητον, οὗ γε καὶ γένοσ καὶ ἀποδημία καὶ τελευτὴ καὶ πρὸσ ἅπασιν ἡ περὶ τοὺσ νόμουσ αὐτοῦ καὶ τὴν πολιτείαν πραγματεία διαφόρουσ ἔσχηκεν ἱστορίασ, ἥκιστα δὲ οἱ χρόνοι καθ’ οὓσ γέγονεν ὁ ἀνὴρ ὁμολογοῦνται, οἱ μὲν γάρ Ἰφίτῳ συνακμάσαι καὶ συνδιαθεῖναι τὴν Ὀλυμπιακὴν ἐκεχειρίαν λέγουσιν αὐτόν, ὧν ἐστι καὶ Ἀριστοτέλησ ὁ φιλόσοφοσ, τεκμήριον προσφέρων τὸν Ὀλυμπίασι δίσκον ἐν ᾧ τοὔνομα τοῦ Λυκούργου διασώζεται καταγεγραμμένον· οἱ δὲ ταῖσ διαδοχαῖσ τῶν ἐν Σπάρτῃ βεβασιλευκότων ἀναλεγόμενοι τὸν χρόνον, ὥσπερ Ἐρατοσθένησ καὶ Ἀπολλόδωροσ, οὐκ ὀλίγοισ ἔτεσι πρεσβύτερον ἀποφαίνουσι τῆσ πρώτησ Ὀλυμπιάδοσ.

Τίμαιοσ δὲ ὑπονοεῖ, δυεῖν ἐν Σπάρτῃ γεγονότων Λυκούργων οὐ κατὰ τὸν αὐτὸν χρόνον, τῷ ἑτέρῳ τὰσ ἀμφοῖν πράξεισ διὰ τὴν δόξαν ἀνακεῖσθαι καὶ τόν γε πρεσβύτερον οὐ πόρρω τῶν Ὁμήρου γεγονέναι χρόνων, ἔνιοι δὲ καὶ κατ’ ὄψιν ἐντυχεῖν Ὁμήρῳ. δίδωσι δὲ καὶ Ξενοφῶν ὑπόνοιαν ἀρχαιότητοσ ἐν οἷσ τὸν ἄνδρα λέγει γεγονέναι κατὰ τοὺσ Ἡρακλείδασ.

γένει μὲν γὰρ Ἡρακλεῖδαι δήπουθεν ἦσαν καὶ οἱ νεώτατοι τῶν ἐν Σπάρτῃ βασιλέων, ὁ δὲ ἐοίκε βουλομένῳ τοὺσ πρώτουσ ἐκείνουσ καὶ σύνεγγυσ Ἡρακλέουσ ὀνομάζειν Ἡρακλείδασ. οὐ μὴν ἀλλὰ καίπερ οὕτωσ πεπλανημένησ τῆσ ἱστορίασ, πειρασόμεθα τοῖσ βραχυτάτασ ἔχουσιν ἀντιλογίασ ἢ γνωριμωτάτουσ μάρτυρασ ἑπόμενοι τῶν γεγραμμένων περὶ τοῦ ἀνδρὸσ ἀποδοῦναι τὴν διήγησιν. ἐπεὶ καὶ Σιμωνίδησ ὁ ποιητὴσ οὐκ Εὐνόμου λέγει τὸν Λυκοῦργον πατρόσ, ἀλλὰ Πρυτάνιδοσ καὶ τὸν Λυκοῦργον καὶ τὸν Εὔνομον, οἱ δὲ πλεῖστοι σχεδὸν οὐχ οὕτω γενεαλογοῦσιν, ἀλλὰ Προκλέουσ μὲν τοῦ Ἀριστοδήμου γενέσθαι Σόον, Σόου δὲ Εὐρυπῶντα, τούτου δὲ Πρύτανιν, ἐκ τούτου δὲ Εὔνομον, Εὐνόμου δὲ Πολυδέκτην ἐκ προτέρασ γυναικόσ, Λυκοῦργον δὲ νεώτερον ἐκ Διωνάσσησ, ὡσ Διευτυχίδασ ἱστόρηκεν, ἕκτον μὲν ἀπὸ Προκλέουσ, ἑνδέκατον δὲ ἀφ’ Ἡρακλέουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lycurgus, chapter 1

(플루타르코스, Lycurgus, chapter 1)

상위

목록

SEARCH

MENU NAVIGATION