헬라어 문장 검색 - Πλυταρ́Δεϝιτιό02́

(플루타르코스, De vitioso pudore, section 2)

οὔτε δὴ τούτουσ περιοπτέον οὕτωσ ἀσθενῶσ ἔχοντασ οὔτ’ αὖ πάλιν ἐκείνην ἐπαινετέον τὴν ἄτρεπτον καὶ ἀτενῆ διάθεσιν, ἐν δὲ τὸ θαρσαλέον τε καὶ ἐμμανὲσ ὅππη ὀρούσαι φαίνετ’ Ἀναξάρχου κύνεον μένοσ· ἀλλ’ ἐμμελῆ τινα μηχανητέον σύγκρασιν ἀμφοῖν, τοῦ μὲν ἀτενοῦσ ἄγαν τὴν ἀναίδειαν τοῦ δ’ ἐπιεικοῦσ σφόδρα τὴν ἀσθένειαν ἀφαιροῦσαν.

ᾗ καὶ τὸ θεράπευμα δυσχερὲσ καὶ οὐκ ἀκίνδυνοσ ἡ τῶν τοιούτων πλεονασμῶν κόλουσισ·

ὡσ γὰρ ὁ γεωργὸσ ἄγριον μὲν ἐκκόπτων βλάστημα καὶ ἀγεννέσ, αὐτόθεν ἀφειδῶσ ἐμβαλὼν τὸ σκαφεῖον ἀνέτρεψε τὴν ῥίζαν ἢ πῦρ προσαγαγὼν ἐπέκαυσεν ἀμπέλῳ δὲ προσιὼν τομῆσ δεομένῃ καὶ μηλέασ ἤ τινοσ ἐλαίασ ἁπτόμενοσ, εὐλαβῶσ ἐπιφέρει τὴν χεῖρα, δεδιὼσ μή τι τοῦ ὑγιαίνοντοσ ἀποτυφλώσῃ·

οὕτωσ ὁ φιλόσοφοσ φθόνον μὲν ἐξαιρῶν νέου ψυχῆσ, ἀγεννὲσ βλάστημα καὶ δυστιθάσευτον, ἢ φιλαργυρίαν ἀώρον, ἢ φιληδονίαν ἐπικόπτων ἀκόλαστον αἱμάσσει καὶ πιέζει καὶ τομὴν ποιεῖ καὶ οὐλὴν βαθεῖαν ὅταν δὲ τρυφερῷ μέρει ψυχῆσ καὶ ἁπαλῷ κολούοντα προσαγάγῃ λόγον, οἱο͂́ν ἐστι τὸ δυσωπούμενον καὶ διατρεπόμενον, εὐλαβεῖται μὴ λάθῃ τούτοισ συναποκόψασ τὸ αἰδούμενον.

καὶ γὰρ αἱ τίτθαι τῶν βρεφῶν ἐκτρίβουσαι πολλάκισ τὸν ῥύπον ἑλκοῦσιν ἐνίοτε τὴν σάρκα καὶ βασανίζουσιν.

ὅθεν οὐ δεῖ τῶν νέων παντάπασιν ἐν χρῷ τὴν δυσωπίαν ἐκτρίβοντασ ὀλιγώρουσ ποιεῖν καὶ λίαν ἀτρέπτουσ·

οὕτω δεῖ τὴν δυσωπίαν κινεῖν δεδιότασ συνεφελκύσασθαι τὰ ὁμοροῦντα τῆσ αἰδοῦσ καὶ τῆσ ἐπιεικείασ;

καὶ τῆσ ἡμερότητοσ, οἷσ ὑποδέδυκε καὶ προσπλέκεται κολακεύουσα τὸν εὐδυσώπητον ὡσ φιλάνθρωπον καὶ πολιτικὸν καὶ κοινὸν ἔχοντα νοῦν καὶ οὐκ ἄτεγκτον οὐδ’ αὐθέκαστον.

ὅθεν εὐθὺσ οἱ Στωικοὶ καὶ τῷ ῥήματι τὸ αἰσχύνεσθαι καὶ δυσωπεῖσθαι τοῦ αἰδεῖσθαι διέστησαν, ἵνα μηδὲ τὴν ὁμωνυμίαν τῷ πάθει πρόφασιν τοῦ βλάπτειν ἀπολίπωσιν.

ἀλλ’ ἡμῖν χρῆσθαι τοῖσ ὀνόμασιν ἀσυκοφαντήτωσ δότωσαν, μᾶλλον δ’ Ὁμηρικῶσ· καὶ γὰρ ἐκεῖνοσ εἶπεν αἰδώσ, ἣτ’ ἄνδρασ μέγα σίνεται ἠδ’ ὀνίνησι·

καὶ οὐ κακῶσ τὸ βλάπτον αὐτῆσ πρότερον εἶπε. γίγνεται γὰρ ὠφέλιμοσ ὑπὸ λόγου τὸ πλεονάζον ἀφελόντοσ καὶ τὸ μέτριον ἀπολιπόντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De vitioso pudore, section 2

(플루타르코스, De vitioso pudore, section 2)

상위

목록

SEARCH

MENU NAVIGATION