헬라어 문장 검색 - Πλυταρ́Δεϝιρτυ

(플루타르코스, De virtute morali, section 9)

οἷσ καὶ αὐτοὶ τρόπον τινὰ διὰ τὴν ἐνάργειαν ὑπείκοντεσ, αἰδεῖσθαι τὸ αἰσχύνεσθαι καλοῦσι καὶ τὸ ἥδεσθαι χαίρειν καὶ τοὺσ φόβουσ εὐλαβείασ· ταύτην μὲν οὐδενὸσ ἂν αἰτιασαμένου τὴν εὐφημίαν; εἰ ταὐτὰ πάθη προστιθέμενα μὲν τῷ λογισμῷ τούτοισ καλοῦσι τοῖσ ὀνόμασι, μαχόμενα δὲ καὶ βιαζόμενα τὸν λογισμὸν ἐκείνοισ. ὅταν δὲ δακρύοισ ἐλεγχόμενοι καὶ τρόμοισ καὶ χρόασ μεταβολαῖσ ἀντὶ λύπησ καὶ φόβου δηγμούσ τινασ καὶ συνθροήσεισ λέγωσι καὶ προθυμίασ τὰσ ἐπιθυμίασ ὑποκορίζωνται, σοφιστικὰσ δοκοῦσιν οὐ φιλοσόφουσ διακρούσεισ καὶ ἀποδράσεισ ἐκ τῶν πραγμάτων μηχανᾶσθαι διὰ τῶν ὀνομάτων. καίτοι πάλιν αὐτοὶ τάσ τε χαρὰσ ἐκείνασ καὶ τὰσ βουλήσεισ καὶ τὰσ εὐλαβείασ εὐπαθείασ καλοῦσιν οὐκ ἀπαθείασ, ὀρθῶσ ἐνταῦθα χρώ;

μενοι τοῖσ ὀνόμασι. γίνεται γὰρ εὐπάθεια τοῦ λογισμοῦ τὸ πάθοσ οὐκ ἀναιροῦντοσ ἀλλὰ κοσμοῦντοσ καὶ τάττοντοσ ἐν τοῖσ σωφρονοῦσιν. οἱ δὲ φαῦλοι καὶ ἀκρατεῖσ τί πάσχουσιν, ὅταν τὸν πατέρα καὶ τὴν μητέρα κρίναντεσ φιλεῖν ἀντὶ τοῦ ἐρωμένου καὶ τῆσ ἐρωμένησ μὴ δύνωνται, τὴν δ’ ἑταίραν καὶ τὸν κόλακα κρίναντεσ, εὐθὺσ καὶ φιλῶσιν; εἰ γὰρ τὸ πάθοσ ἦν κρίσισ, ἔδει τῇ τοῦ φιλεῖν χρῆναι καὶ μισεῖν κρίσει τὸ φιλεῖν ἕπεσθαι καὶ τὸ μισεῖν νυνὶ δὲ συμβαίνει τἀναντία, ταῖσ μὲν προστιθεμένου τοῦ πάθουσ κρίσεσι ταῖσ δ’ ἀπειθοῦντοσ. ᾗ καί φασιν αὐτοί, τῶν πραγμάτων ἐκβιαζομένων, οὐ πᾶσαν εἶναι κρίσιν πάθοσ ἀλλὰ τὴν κινητικὴν ὁρμῆσ βιαίου καὶ πλεοναζούσησ, ὁμολογοῦντεσ ἕτερον εἶναι τὸ κρῖνον καὶ τὸ πάσχον ἐν ἡμῖν ὥσπερ τὸ κινοῦν καὶ τὸ κινούμενον.

πειθόμενον ἢ πάλιν μάχεται μὴ πειθόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De virtute morali, section 9

(플루타르코스, De virtute morali, section 9)

상위

목록

SEARCH

MENU NAVIGATION