헬라어 문장 검색 - Πλυταρ́Δετρανθ́12́

(플루타르코스, De tranquilitate animi, section 12)

οὐχ ἥκιστα τοίνυν εὐθυμίαν κολούει τὸ μὴ συμμέτροισ χρῆσθαι πρὸσ τὴν ὑποκειμένην δύναμιν ὁρμαῖσ ὥσπερ ἱστίοισ, ἀλλὰ μειζόνων ἐφιεμένουσ ταῖσ ἐλπίσιν εἶτ’ ἀποτυγχάνοντασ αἰτιᾶσθαι δαίμονα καὶ τύχην ἀλλὰ μὴ τὴν αὑτῶν ἀβελτερίαν. οὐδὲ γὰρ ὁ τοξεύειν τῷ ἀρότρῳ βουλόμενοσ καὶ τῷ βοῒ τὸν λαγῶ κυνηγετεῖν δυστυχήσ ἐστιν οὐδὲ τῷ γρίφοισ καὶ σαγήναισ ἐλάφουσ μὴ λαμβάνοντι μηδὲ ὗσ δαίμων ἐναντιοῦται μοχθηρόσ, ἀλλ’ ἀβελτερίᾳ καὶ μωρίᾳ τοῖσ ἀδυνάτοισ ἐπιχειροῦσιν. αἴτιον δ’ ἡ φιλαυτία μάλιστα, φιλοπρώτουσ ποιοῦσα καὶ φιλονίκουσ ἐν πᾶσι καὶ πάντων ἐπιδραττομένουσ ἀπλήστωσ. οὐ γὰρ πλούσιοι μόνον ὁμοῦ καὶ λόγιοι καὶ ἰσχυροὶ καὶ συμποτικοὶ καὶ ἡδεῖσ εἶναι καὶ φίλοι βασιλέων καὶ πόλεων ἄρχοντεσ ἀξιοῦσιν, ἀλλ’ εἰ μὴ καὶ κύνασ ἕξουσι πρωτεύοντασ ἀρετῇ καὶ ἵππουσ καὶ ὄρτυγασ καὶ ἀλεκτρυόνασ, ἀθυμοῦσι. Διονύσιοσ ὁ πρεσβύτεροσ οὐκ ἠγάπα μέγιστοσ ὢν τῶν τότε τυράννων, ἀλλ’ ὅτι Φιλοξένου τοῦ ποιητοῦ μὴ βέλτιον ᾖδε μηδὲ περιῆν ἐν τῷ διαλέγεσθαι Πλάτωνοσ, ὀργισθεὶσ καὶ παροξυνθεὶσ τὸν μὲν εἰσ τὰσ λατομίασ ἐνέβαλε τὸν δ’ ἀπέδοτο πέμψασ εἰσ Αἴγιναν. οὐ τοιοῦτοσ ὁ Ἀλέξανδροσ, ἀλλ’ ἐπεὶ Κρίσων ὁ σταδιοδρόμοσ ἁμιλλώμενοσ αὐτῷ περὶ τάχουσ ἔδοξεν ἑκὼν παρεῖναι, σφόδρα διηγανάκτησεν . εὖ δὲ καὶ ὁ ποιητικὸσ Ἀχιλλεὺσ ὑπειπὼν τοῖοσ ἐὼν οἱο͂σ οὔ τισ Ἀχαιῶν χαλκοχιτώνων ἐπήνεγκεν ἐν πολέμῳ· ἀγορῇ δὲ τ’ ἀμείνονέσ εἰσι καὶ ἄλλοι.

"ἑώσ μὲν ἡσυχίαν ἦγεσ, ἐδόκεισ τισ εἶναι διὰ τὰ χρυσία καὶ τὴν πορφύραν, νυνὶ δὲ καὶ ταυτὶ τὰ τρίβοντα τὴν ὤχραν παιδάρια καταγελᾷ σου φλυαροῦντοσ.

ἀλλ’ ἔνιοι τοὺσ μὲν Στωικοὺσ οἰόνται παίζειν, ὅταν ἀκούσωσι τὸν σοφὸν παρ’ αὐτοῖσ μὴ μόνον φρόνιμον καὶ δίκαιον καὶ ἀνδρεῖον ἀλλὰ καὶ ῥήτορα καὶ ποιητὴν καὶ στρατηγὸν καὶ πλούσιον καὶ βασιλέα προσαγορευόμενον, αὑτοὺσ δὲ πάντων ἀξιοῦσι τούτων, κἂν μὴ τυγχάνωσιν, ἀνιῶνται. καίτοι καὶ τῶν θεῶν ἄλλοσ ἄλλην ἔχων δύναμιν, ὁ μὲν ἐνυάλιοσ, ὁ δὲ μαντεῖοσ, ὁ δὲ κερδῷοσ ἐπονομάζεται· καὶ τὴν Ἀφροδίτην ὁ Ζεύσ, ὡσ οὐ μετὸν αὐτῇ πολεμικῶν ἔργων, ἐπὶ γάμουσ ἀποστέλλει καὶ θαλάμουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De tranquilitate animi, section 12

(플루타르코스, De tranquilitate animi, section 12)

상위

목록

SEARCH

MENU NAVIGATION