헬라어 문장 검색 - Πλυταρ́Δετρανθ́01́

(플루타르코스, De tranquilitate animi, section 1)

Ὅφέ σου τὴν ἐπιστολὴν ἐκομισάμην, ἐν ᾗ παρεκάλεισ περὶ εὐθυμίασ σοί τι γραφῆναι καὶ περὶ τῶν ἐν Τιμαίῳ δεομένων ἐπιμελεστέρασ ἐξηγήσεωσ. ἅμα δέ πωσ τὸν ἑταῖρον ἡμῶν Ἔρωτα κατελάμβανεν αἰτία τοῦ πλεῖν εὐθὺσ εἰσ Ῥώμην, παρὰ Φουνδάνου τοῦ κρατίστου γράμματα δεδεγμένον, οἱο͂σ ἐκεῖνοσ, ἐπιταχύνοντα. μήτε δὲ χρόνον ἔχων, ὡσ προῃρούμην, γενέσθαι πρὸσ οἷσ ἐβούλου μήτε ὑπομένων κεναῖσ παντάπασι τὸν ἄνδρα χερσὶν ὀφθῆναί σοι παρ’ ἡμῶν ἀφιγμένον, ἀνελεξάμην περὶ εὐθυμίασ ἐκ τῶν ὑπομνημάτων ὧν ἐμαυτῷ πεποιημένοσ ἐτύγχανον ἡγούμενοσ καὶ σὲ τὸν λόγον τοῦτον οὐκ ἀκροάσεωσ ἕνεκα θηρωμένησ καλλιγραφίαν ἀλλὰ χρείασ βοηθητικῆσ ἐπιζητεῖν, καὶ συνηδόμενοσ ὅτι καὶ φιλίασ ἔχων ἡγεμονικὰσ καὶ δόξαν οὐδενὸσ ἐλάττονα τῶν ἐν ἀγορᾷ λεγόντων τὸ τοῦ τραγικοῦ Μέροποσ οὐ πέπονθασ, οὐδ’ ὡσ ἐκεῖνον εὐδαιμονίζων ὄχλοσ ἐξέπληξε σε τῶν φυσικῶν παθῶν ἀλλὰ πολλάκισ ἀκηκοὼσ μνημονεύεισ ὡσ οὔτε ποδάγρασ ἀπαλλάττει κάλτιοσ οὔτε δακτύλιοσ πολυτελὴσ παρωνυχίασ οὔτε διάδημα κεφαλαλγίασ. πόθεν γε δὴ πρὸσ ἀλυπίαν ψυχῆσ καὶ βίον ἀκύμονα χρημάτων ὄφελοσ ἢ δόξησ ἢ δυνάμεωσ ἐν αὐλαῖσ, ἂν μὴ τὸ χρώμενον εὐχάριστον ᾖ τοῖσ ἔχουσι καὶ τὸ τῶν ἀπόντων μὴ δεόμενον ἀεὶ παρακολουθῇ;

τί δὲ τοῦτ’ ἐστὶν ἄλλο ἢ λόγοσ εἰθισμένοσ καὶ μεμελετηκὼσ τοῦ παθητικοῦ καὶ ἀλόγου τῆσ ψυχῆσ ἐξισταμένου πολλάκισ ἐπιλαμβάνεσθαι ταχὺ καὶ μὴ περιορᾶν ἀπορρέον καὶ καταφερόμενον ὑπὸ τῶν ἀπόντων;

ὥσπερ οὖν ὁ Ξενοφῶν παρῄνει τῶν θεῶν εὐτυχοῦντασ μάλιστα μεμνῆσθαι καὶ τιμᾶν, ὅπωσ, ὅταν ἐν χρείᾳ γενώμεθα, θαρροῦντεσ αὐτοὺσ παρακαλῶμεν ὡσ εὐμενεῖσ ὄντασ ἤδη καὶ φίλουσ· ἵν’ ἐκ πολλοῦ παρεσκευασμένοι μᾶλλον ὠφελῶσιν ὡσ γὰρ οἱ χαλεποὶ κύνεσ πρὸσ πᾶσαν ἐκταραττόμενοι βοὴν ὑπὸ μόνησ καταπραΰνονται τῆσ συνήθουσ, οὕτω καὶ τὰ πάθη τὰ τῆσ ψυχῆσ διαγριαινόμενα καταπαῦσαι ῥᾳδίωσ οὐκ ἔστιν, ἂν μὴ λόγοι παρόντεσ οἰκεῖοι καὶ συνήθεισ ἐπιλαμβάνωνται τῶν ταραττομένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, De tranquilitate animi, section 1

(플루타르코스, De tranquilitate animi, section 1)

상위

목록

SEARCH

MENU NAVIGATION