Plutarch, De amore prolis, section 2 5:

(플루타르코스, De amore prolis, section 2 5:)

καθόλου γὰρ ἡ πρὸσ τὰ ἔγγονα φιλοστοργία καὶ τολμηρὰ τὰ δειλὰ ποιεῖ, καὶ φιλόπονα τὰ ῥᾴθυμα καὶ φειδωλὰ τὰ γαστρίμαργα· ὥσπερ ἡ Ὁμηρικὴ ὄρνισ προσφέρουσα τοῖσ νεοττοῖσ μάστακ’, ἐπεί κε λάβῃσι, κακῶσ δέ τε οἱ πέλει αὐτῇ· τῷ γὰρ αὑτῆσ τρέφει λιμῷ τὰ ἔγγονα, καὶ τὴν τροφὴν τῆσ γαστρὸσ ἁπτομένην ἀποκρατεῖ καὶ πιέζει τῷ στόματι, μὴ λάθῃ καταπιοῦσα. ὡσ δὲ κύων ἀμαλῇσι περὶ σκυλάκεσσι βεβῶσα ἄνδρ’ ἀγνοιήσασ’ ὑλάει μέμονέν τε μάχεσθαι, τὸν περὶ τῶν τέκνων φόβον ὡσ δεύτερον προσλαβοῦσα θυμόν. αἱ δὲ πέρδικεσ ὅταν διώκωνται μετὰ τῶν τέκνων, ἐκεῖνα μὲν ἐῶσι προπέτεσθαι καὶ φεύγειν, αὑταῖσ δὲ μηχανώμεναι προσέχειν τοὺσ θηρεύοντασ ἐγγὺσ κυλινδούμεναι καὶ καταλαμβανόμεναι, μικροῦ ὑπεκθέουσιν, εἶτα πάλιν ἵστανται καὶ παρέχουσιν ἐν ἐφικτῷ τῆσ ἐλπίδοσ ἑαυτάσ, ἄχρι ἂν οὕτω προκινδυνεύουσαι τῶν νεοττῶν τῆσ ἀσφαλείασ προαγάγωνται πόρρω τοὺσ διώκοντασ.

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION