헬라어 문장 검색 - Πλυταρ́Δεαμορέ1́

(플루타르코스, De amore prolis, section 1)

Ἐκκλητοι κρίσεισ καὶ ξενικῶν δικαστηρίων ἀγωγαὶ τοῖσ Ἕλλησι, τὸ πρῶτον ἀπιστίᾳ τῇ πρὸσ ἀλλήλουσ ἐπενοήθησαν, ἀλλοτρίασ δικαιοσύνησ ὥσπερ ἑτέρου τινὸσ τῶν ἀναγκαίων μὴ φυομένου παρ’ αὐτοῖσ δεηθεῖσιν. ἆρ’ οὖν καὶ οἱ φιλόσοφοι τῶν προβλημάτων ἔνια διὰ τὰσ πρὸσ ἀλλήλουσ διαφορὰσ ἐπὶ τὴν τῶν ἀλόγων φύσιν ζῴων ὥσπερ ἀλλοδαπὴν πόλιν ἐκκαλοῦνται, καὶ τοῖσ ἐκείνων πάθεσι καὶ ἤθεσιν ὡσ ἀνεντεύκτοισ καὶ ἀδεκάστοισ ἐφιᾶσι τὴν κρίσιν; ἢ καὶ τοῦτο τῆσ ἀνθρωπίνησ κακίασ ἔγκλημα κοινόν ἐστι, τὸ περὶ τῶν ἀναγκαιοτάτων καὶ μεγίστων ἀμφιδοξοῦντασ ἡμᾶσ ζητεῖν ἐν ἵπποισ καὶ κυσὶ καὶ ὄρνισι, πῶσ γαμῶμεν αὐτοὶ καὶ γεννῶμεν καὶ τεκνοτροφῶμεν ὡσ μηδὲν ἐν ἑαυτοῖσ δήλωμα τῆσ φύσεωσ ὄν καὶ τὰ τῶν θηρίων ἤθη καὶ πάθη προσαγορεῦσαι καὶ καταμαρτυρῆσαι τοῦ βίου ἡμῶν πολλὴν τοῦ κατὰ φύσιν ἐκδιαίτησιν καὶ παράβασιν, εὐθὺσ ἐν ἀρχῇ καὶ περὶ τὰ πρῶτα συγχεομένων καὶ ταραττομένων; ἄκρατον γὰρ ἐν ἐκείνοισ ἡ φύσισ καὶ ἀμιγὲσ καὶ ἁπλοῦν φυλάττει τὸ ἴδιον, ἐν δ’ ἀνθρώποισ ὑπὸ τοῦ λόγου καὶ τῆσ συνηθείασ, ὃ τοὔλαιον ὑπὸ τῶν μυρεψῶν πέπονθε, πρὸσ πολλὰ μιγνυμένη δόγματα καὶ κρίσεισ ἐπιθέτουσ ποικίλη γέγονε καὶ ἡδεῖα τὸ δ’ οἰκεῖον οὐ τετήρηκε.

καὶ μὴ θαυμάζωμεν, εὶ τὰ ἄλογα ζῷα τῶν λογικῶν μᾶλλον ἕπεται τῇ φύσει· καὶ γὰρ τὰ φυτὰ τῶν ζῴων, οἷσ οὔτε φαντασίαν οὔθ’ ὁρμὴν ἔδωκε ἢ ἑτέρων ὄρεξιν τοῦ κατὰ φύσιν ἀποσαλεύουσαν, ἀλλ’ ὥσπερ ἐν δεσμῷ συνειργμένα μένει καὶ κεκράτηται, μίαν ἀεὶ, πορείαν ἣν ἡ φύσισ ἄγει πορευόμενα.

τοῖσ δὲ θηρίοισ τὸ μὲν πολύτροπον τοῦ λόγου καὶ περιττὸν καὶ φιλελεύθερον ἄγαν οὐκ ἔστιν, ἀλόγουσ δ’ ὁρμὰσ καὶ ὀρέξεισ ἔχοντα καὶ χρώμενα πλάναισ καὶ περιδρομαῖσ πολλάκισ, οὐ μακρὰν ἀλλ ὡσ ἐπ’ ἀγκύρασ τῆσ φύσεωσ σαλεύει ἢ καθάπερ ὄνῳ ὁδὸν ὑφ’ ἡνίᾳ καὶ χαλινῷ βαδίζοντι δείκνυσι τὴν εὐθεῖαν. ἄλλασ ἄλλοτε παρεκβάσεισ καὶ καινοτομίασ ἀνευρίσκων οὐδὲν ἴχνοσ ἐμφανὲσ οὐδ’ ἐναργὲσ ἀπολέλοιπε τῆσ φύσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De amore prolis, section 1

(플루타르코스, De amore prolis, section 1)

상위

목록

SEARCH

MENU NAVIGATION