헬라어 문장 검색 - Πλυταρ́ΔεΑλεχα

(플루타르코스, De Alexandri magni fortuna aut virtute, chapter 2, section 7)

οὕτω νικῶσιν ἀρετῇ. Πρόσγραψον, εἰ βούλει, τῇ Τύχῃ τὰ Ἄρβηλα καὶ τὴν Κιλικίαν, καὶ τἄλλα, ἃ γέγονε βίασ ἔργα καὶ πολέμου Τύχη τὴν Τύρον ἔσεισεν αὐτῷ, καὶ Τύχη τὴν Αἴγυπτον ἀνέῳξε· διὰ Τύχην Ἁλικαρνασσὸσ ἔπεσε καὶ Μίλητοσ ἑάλω καὶ Μαζαῖοσ Εὐφράτην ἔρημον ἀπέλιπε καὶ νεκρῶν τὸ Βαβυλώνιον ἐπλήσθη πεδίον·

ἀλλ’ οὔτι γε σώφρων ἀπὸ Τύχησ οὔτ’ ἐγκρατὴσ;

διὰ Τύχην, οὔτ’ ἀνάλωτον ὑφ’ ἡδονῆσ ἡ Τύχη καὶ ἄτρωτον ἐπιθυμίαισ κατακλείσασα τὴν ψυχὴν ἐφρούρει. ὅπλων ἦσαν ἧτται καὶ ἵππων καὶ μάχαι καὶ φόνοι καὶ φυγαὶ ἀνδρῶν.

τὴν δὲ μεγάλην καὶ ἀναντίρρητον ἧτταν ἡττήθη Δαρεῖοσ καὶ ἐνέκλινεν ἀρετῇ καὶ μεγαλοφροσύνῃ καὶ ἀνδρείᾳ καὶ δικαιοσύνῃ, θαυμάσασ τὸ ἐν ἡδονῇ καὶ πόνοισ καὶ χάρισιν ἀνίκητον. ἐπεὶ ἔν γε πέλταισ καὶ σαρίσσαισ καὶ ἀλαλαγμοῖσ καὶ συρράξεσιν ὅπλων ἀνίκητοσ ἦν καὶ Ταρρίασ ὁ Δεινομένουσ καὶ Ἀντιγένησ ὁ Πελληναῖοσ καὶ Φιλώτασ·

καὶ χρυσίον καὶ ἀργύριον οὐθέν τι βελτίουσ τῶν αἰχμαλώτων·

ἀλλὰ Ταρρίασ μὲν ὅτε τῶν χρεῶν ἠλευθέρου Μακεδόνασ Ἀλέξανδροσ καὶ διελύετο τοῖσ δανείσασιν ὑπὲρ πάντων, ψευσάμενοσ ὀφείλειν καὶ δανειστήν τινα φάσκοντα εἶναι τῇ τραπέζῃ προσαγαγών, εἶτα φωραθείσ, ὀλίγου διέφθειρεν αὐτὸσ ἑαυτόν·

εἰ μὴ γνοὺσ Ἀλέξανδροσ ἀφῆκε τῆσ αἰτίασ αὐτὸν καὶ συνεχώρησεν ἔχειν τἀργύριον, ἀναμνησθεὶσ ὅτι Φιλίππου προσμαχομένου Περίνθῳ βέλει πληγεὶσ τὸν ὀφθαλμόν, οὐ παρέσχεν οὐδ’ ὑπέμεινεν ἐξαιρεθῆναι τὸ βέλοσ αὑτοῦ πρὶν ἢ τρέψασθαι τοὺσ πολεμίουσ· .

διὰ νόσον καὶ πήρωσιν ἀναμίξασ ἑαυτὸν καὶ ἀπογραψάμενοσ, ὡσ ἐλήφθη μηδὲν κακὸν ἔχων, ἀλλὰ προσποιούμενοσ ἀρρωστίαν τινά, ἀνὴρ πολεμικὸσ καὶ τραυμάτων τὸ σῶμα μεστὸσ ὀφθεὶσ ἠνίασε τὸν Ἀλέξανδρον·

πυνθανομένου δὲ τὴν αἰτίαν, ὡμολόγησε Τελεσίππησ ἐρᾶν καὶ συνακολουθεῖν ἐπὶ θάλασσαν ἀπιούσῃ μὴ δυνάμενοσ ἀπολειφθῆναι.

"πείθωμεν αὐτὴν καταμένειν, ἐπαγγελλόμενοι καὶ διδόντεσ.

οὕτω παντὶ μᾶλλον ἐρῶντι συγγνώμην εἶχεν ἢ αὑτῷ.

καὶ μὴν καὶ Φιλώτασ ὁ Παρμενίωνοσ τροφόν τινα τῶν κακῶν ἔσχε τὴν ἀκρασίαν. Ἀντιγόνα γὰρ ἦν Πελλαῖον γύναιον ἐν τοῖσ περὶ Δαμασκὸν αἰχμαλώτοισ, ἡλώκει δ’ ὑπ’ Αὐτοφραδάτου πρότερον εἰσ Σαμοθρᾴκην διαπλεύσασα, τὴν δ’ ὄψιν ἦν ἱκανή, καὶ τὸν Φιλώταν ἁψάμενον αὐτῆσ εἶχε μάλα.

καὶ δὴ ὁ σιδάρεοσ ἐκεῖνοσ πεπαινόμενοσ οὐκ ἐκράτει τῶν λογισμῶν ἐν ταῖσ ἡδοναῖσ, ἀλλ’ ἀνοιγόμενοσ ἐξέφερε πολλὰ τῶν ἀπορρήτων πρὸσ αὐτήν.

"τί γὰρ ἦν ἐκεῖνοσ ὁ Φίλιπποσ, εἰ μὴ Παρμενίων; "τί δ’ Ἀλέξανδροσ οὗτοσ, εἰ μὴ Φιλώτασ; "ποῦ δ’ ὁ Ἄμμων, ποῦ δ’ οἱ δράκοντεσ, ἂν ἡμεῖσ μὴ θέλωμεν; τούτουσ τοὺσ λόγουσ ἡ Ἀντιγόνα ἐξήνεγκε πρόσ τινα τῶν συνήθων γυναικῶν, ἐκείνη δὲ πρὸσ Κρατερὸν Κρατερὸσ δὲ πρὸσ Ἀλέξανδρον αὐτὴν εἰσήγαγε τὴν Ἀντιγόναν κρύφα, καὶ τοῦ μὲν σώματοσ οὐκ ἔθιγεν ἀλλ’ ἀπέσχετο·

πιστεύων Ἡφαιστίωνι καὶ πάντων μεταδιδούσ.

λέγεται γὰρ ὅτι καὶ τῆσ μητρὸσ ἀπόρρητον ἐπιστολὴν λύσαντοσ αὐτοῦ καὶ σιωπῇ πρὸσ ἑαυτὸν ἀναγιγνώσκοντοσ, Ἡφαιστίων ἀτρέμα παραβάλλων τὴν κεφαλὴν συνανεγίγνωσκεν· ὁ δὲ κωλῦσαι μὲν οὐχ ὑπέμεινεν, ἐξελὼν δὲ τὸν δακτύλιον προσέθηκε τὴν σφραγῖδα τῷ στόματι τοῦ Ἡφαιστίωνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 2, section 7

(플루타르코스, De Alexandri magni fortuna aut virtute, chapter 2, section 7)

상위

목록

SEARCH

MENU NAVIGATION