Plutarch, chapter 19

(플루타르코스, chapter 19)

οὐχ ἥκιστα δ’ αὐτὸν Ἀρταβάζησ ὁ Ἀρμενίων βασιλεὺσ ἐπέρρωσεν· ἦλθε γὰρ εἰσ τὸ στρατόπεδον μεθ’ ἑξακισχιλίων ἱππέων. καὶ οὗτοι μὲν ἐλέγοντο φύλακεσ καὶ προπομποὶ βασιλέωσ· ἑτέρουσ δὲ μυρίουσ ὑπισχνεῖτο καταφράκτουσ καὶ τρισμυρίουσ πεζοὺσ οἰκοσίτουσ. ἔπειθε δὲ Κράσσον ἐμβαλεῖν δι’ Ἀρμενίασ εἰσ τὴν Παρθίαν·

οὐ γὰρ μόνον ἐν ἀφθόνοισ διάξειν τὴν στρατιὰν αὐτοῦ παρέχοντοσ, ἀλλὰ καὶ πορεύσεσθαι δι’ ἀσφαλείασ, ὄρη πολλὰ καὶ λόφουσ συνεχεῖσ καὶ χωρία δύσιππα πρὸσ τὴν ἵππον, ἣ μόνη Πάρθων ἀλκή, προβαλλόμενον. ὁ δὲ τὴν προθυμίαν αὐτοῦ καὶ τὴν λαμπρότητα τῆσ βοηθείασ μετρίωσ ἠγάπησε, βαδιεῖσθαι δ’ ἔφη διὰ Μεσοποταμίασ, ὅπου πολλοὺσ καὶ ἀγαθοὺσ Ῥωμαίων ἄνδρασ ἀπέλιπεν. ὁ μὲν οὖν Ἀρμένιοσ ἐπὶ τούτοισ ἀπήλαυνεν.

τῷ δὲ Κράσσῳ διαβιβάζοντι τὴν στρατιὰν κατὰ τὸ Ζεῦγμα πολλαὶ μὲν ὑπερφυεῖσ βρονταὶ περιερρήγνυντο, πολλὰ δὲ καὶ ἤστραπτεν ἐναντία τῷ στρατῷ, πνεῦμα δὲ νέφει καὶ πρηστῆρι μεμιγμένον ἐρεῖσαν αὐτοῦ κατὰ τῆσ σχεδίασ ἀνέρρηξε πολλὰ καὶ συνέτριψεν· ἐβλήθη δὲ καὶ κεραυνοῖσ δυσὶν ὁ χῶροσ οὗ στρατοπεδεύειν ἔμελλεν.

ἵπποσ δὲ τῶν στρατηγικῶν ἐπιφανῶσ κεκοσμημένοσ βίᾳ συνεπισπάσασ τὸν ἡνίοχον εἰσ τὸ ῥεῖθρον ὑποβρύχιοσ ἠφανίσθη. λέγεται δὲ καὶ τῶν ἀετῶν ὁ πρῶτοσ ἀρθεὶσ ἀπὸ ταὐτομάτου μεταστραφῆναι. πρὸσ δὲ τούτοισ συνέπεσε μετὰ τὴν διάβασιν μετρουμένοισ τὰ ἐπιτήδεια τοῖσ στρατιώταισ πρῶτα πάντων δοθῆναι φακοὺσ καὶ ἃλασ, ἃ νομίζουσι Ῥωμαῖοι πένθιμα καὶ προτίθενται τοῖσ νέκυσιν, αὐτοῦ τε Κράσσου δημηγοροῦντοσ ἐξέπεσε φωνή δεινῶσ συγχέασα τὸν στρατόν.

ἔφη γὰρ τὸ ζεῦγμα τοῦ ποταμοῦ διαλύειν ὅπωσ μηδεὶσ αὐτῶν ἐπανέλθῃ. καὶ δέον, ὡσ ᾔσθετο τοῦ ῥήματοσ τὴν ἀτοπίαν, ἀναλαβεῖν καὶ διασαφῆσαι πρὸσ τοὺσ ἀποδειλιῶντασ τὸ εἰρημένον, ἠμέλησεν ὑπὸ αὐθαδείασ. "τὸ γῆρασ·

"ἀλλὰ τῶν γε ὅπλων οὐδὲν ἂν ἐκφύγοι τὰσ χεῖρασ.

SEARCH

MENU NAVIGATION