헬라어 문장 검색 - Πλυταρ́Ξρασσυσ́32́

(플루타르코스, chapter 32)

ὁ δὲ Σουρήνασ τὴν κεφαλὴν τοῦ Κράσσου καὶ τὴν χεῖρα πρὸσ Ὑρώδην ἔπεμψεν εἰσ Ἀρμενίαν, αὐτὸσ δὲ διαδοὺσ λόγον ὑπ’ ἀγγέλων εἰσ Σελεύκειαν ὡσ ζῶντα Κράσσον ἄγοι, παρεσκευάζετο πομπήν τινα γελοίαν ὕβρει προσαγορεύων θρίαμβον. ὁ μὲν γὰρ ἐμφερέστατοσ Κράσσῳ τῶν αἰχμαλώτων Γάιοσ Πακκιανόσ, ἐσθῆτα βασιλικὴν γυναικὸσ ἐνδὺσ καὶ διδαχθεὶσ Κράσσοσ ὑπακούειν καὶ αὐτοκράτωρ τοῖσ καλοῦσιν, ἐφ’ ἵππου καθήμενοσ ἤγετο·

πρὸ αὐτοῦ δὲ σαλπιγκταὶ καὶ ῥαβδοῦχοί τινεσ ὀχούμενοι καμήλοισ ἤλαυνον· ἐξήρτητο δὲ τῶν ῥάβδων βαλάντια καὶ παρὰ τοὺσ πελέκεισ πρόσφατοι κεφαλαὶ Ῥωμαίων ἀποτετμημέναι. κατόπιν δ’ εἵποντο Σελευκίδεσ ἑταῖραι μουσουργοί, πολλὰ βωμολόχα καὶ γελοῖα δι’ ᾀσμάτων εἰσ θηλύτητα καὶ ἀνανδρίαν τοῦ Κράσσου λέγουσαι.

ταῦτά μὲν οὖν πάντεσ ἐθεῶντο. τὴν δὲ γερουσίαν τῶν Σελευκέων ἀθροίσασ εἰσήνεγκεν ἀκόλαστα βιβλία τῶν Ἀριστείδου Μιλησιακῶν, οὔτι ταῦτά γε καταψευσάμενοσ· τοῖσ μέντοι Σελευκεῦσιν ἐδόκει σοφὸσ ἀνὴρ Αἴσωποσ εἶναι, τὸν Σουρήναν ὁρῶσι τὴν τῶν Μιλησιακῶν ἀκολαστημάτων πήραν ἐξηρτημένον πρόσθεν, ὄπισθεν δὲ Παρθικὴν Σύβαριν ἐφελκόμενον ἐν τοσαύταισ παλλακίδων ἁμάξαισ, τρόπον τινὰ ταῖσ λεγομέναισ ἐχίδναισ καὶ σκυτάλαισ ἀντιμόρφωσ τὰ μὲν ἐμφανῆ καὶ πρόσθια μέρη φοβερὰ καὶ θηρικώδη δόρασι καὶ τόξοισ καὶ ἵπποισ προβαλλομένην, κατ’ οὐρὰν δὲ τῆσ φάλαγγοσ εἰσ χορείασ καὶ κρόταλα καὶ ψαλμοὺσ καὶ παννυχίδασ ἀκολάστουσ μετὰ γυναικῶν τελευτῶσαν.

ψεκτὸσ μὲν γὰρ ὁ Ῥώσκιοσ, ἀναιδεῖσ δὲ Πάρθοι τὰ Μιλησιακὰ ψέγοντεσ, ὧν πολλοὶ βεβασιλεύκασιν ἐκ Μιλησίων καὶ Ιὠνίδων ἑταιρῶν γεγονότεσ Ἀρσακίδαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 32

(플루타르코스, chapter 32)

상위

목록

SEARCH

MENU NAVIGATION