Plutarch, chapter 15

(플루타르코스, chapter 15)

ἐπὶ τούτοισ οἱ περὶ Κράσσον εἰσ Ῥώμην ἐπανελθόντεσ εὐθὺσ ἦσαν ὕποπτοι, καί πολὺσ ἐχώρει διὰ πάντων λόγοσ οὐκ ἐπ’ ἀγαθῷ γεγονέναι τὴν σύνοδον αὐτῶν, ἐν δὲ τῇ βουλῇ Μαρκελλίνου καί Δομιτίου Πομπήιον ἐρωτώντων εἰ μέτεισιν ὑπατείαν, ἀπεκρίνατο τυχὸν μὲν μετιέναι, τυχὸν δὲ μὴ μετιέναι· καί πάλιν ἐρωτώμενοσ ἔφη μετιέναι τοῖσ δικαίοισ πολίταισ, μὴ μετιέναι δὲ τοῖσ ἀδίκοισ. τούτου δὲ δόξαντοσ ὑπερηφάνουσ ἀποκρίσεισ καί τετυφωμένασ ποιεῖσθαι μετριώτερον ὁ Κράσσοσ εἶπεν, εἰ τῇ πόλει συμφέρει, μετιέναι τὴν ἀρχήν, εἰ δὲ μή, ποιεῖσθαι.

διὸ καί τινεσ ἐθάρρησαν ὑπατείαν μετελθεῖν, ὧν ἦν καί Δομίτιοσ. γενομένων δὲ φανερῶν ἐκείνων ἐν ταῖσ παραγγελίαισ οἱ μὲν ἄλλοι δείσαντεσ ἀπέστησαν, Δομίτιον δὲ Κάτων οἰκεῖον ὄντα καί φίλον ἐθάρρυνεν ἐγκελευόμενοσ καί παρορμῶν ἔχεσθαι τῆσ ἐλπίδοσ ὡσ ὑπερμαχοῦντα τῆσ κοινῆσ ἐλευθερίασ· οὐ γὰρ ὑπατείασ Πομπήιον δεῖσθαι καί Κράσσον, ἀλλὰ τυραννίδοσ, οὐδ’ ἀρχῆσ αἴτησιν, ἀλλ’ ἁρπαγὴν ἐπαρχιῶν καί στρατοπέδων εἶναι τὰ πραττόμενα. "τί δὴ δευτέρασ οὗτοι χρῄζουσιν ὑπατείασ;

"τί δὲ πάλιν μετ’ αλλήλων; "τί δ’ οὐ μεθ’ ἑτέρων; "πολλοὶ δ’ εἰσὶν ἄνδρεσ ἡμῖν οὐκ ἀνάξιοι δήπου Κράσσῳ καί Πομπηίῳ συνάρχειν. ἐκ τούτου δείσαντεσ οἱ περὶ Πομπήϊον οὐδενὸσ ἀπείχοντο τῶν ἀκοσμοτάτων καί βιαιοτάτων, ἀλλὰ πρὸσ πᾶσι τοῖσ ἄλλοισ λόχον ὑφέντεσ τῷ Δομιτίῳ νυκτὸσ ἔτι μετὰ τῶν ἄλλων κατερχομένῳ κτείνουσι μὲν τὸν ἀνέχοντα τὸ φῶσ πρὸ αὐτοῦ, συντιτρώκουσι δὲ πολλούσ, ὧν ἦν καί Κάτων, τρεψάμενοι δὲ καί κατακλείσαντεσ εἰσ τὴν οἰκίαν ἐκείνουσ ἀνηγορεύθησαν ὕπατοι·

καί μετ’ οὐ πολὺν χρόνον αὖθισ ὅπλοισ περισχόντεσ τὸ βῆμα καί τὸν Κάτωνα τῆσ ἀγορᾶσ ἐκβαλόντεσ καί τινασ ὑποστάντασ ἀποκτείναντεσ, Καίσαρι μὲν ἄλλην ἐπέδοσαν πενταετίαν τῆσ ἀρχῆσ, αὑτοῖσ δὲ τῶν ἐπαρχιῶν ἐψηφίσαντο Συρίαν καὶ Ἰβηρίασ συναμφοτέρασ.

κληρουμένων δὲ Συρίαν ἔλαχε Κράσσοσ, τὰ δ’ Ἰβηρικὰ Πομπήιοσ.

SEARCH

MENU NAVIGATION