Plutarch, chapter 9

(플루타르코스, chapter 9)

στενὴν ἄνοδον, ἣν ὁ Κλώδιοσ ἐφρούρει, τὰ δ’ ἄλλα κρημνοὺσ ἀποτόμουσ Καὶ λισσάδασ, ἄμπελον δὲ πολλὴν ἀγρίαν ἐπιπολῆσ πεφυκυῖαν, ἔτεμνον τῶν κλημάτων τὰ χρήσιμα, Καὶ συμπλέκοντεσ ἐξ αὐτῶν κλιμακίδασ εὐτόνουσ καὶ βαθείασ, ὥστ’ ἄνωθεν ἀνηρτημένασ παρὰ τὸ κρημνῶδεσ ἅπτεσθαι τῶν ἐπιπέδων, κατέβαινον ἀσφαλῶσ δι’ αὐτῶν πλὴν ἑνόσ. οὗτοσ δὲ τῶν ὅπλων ἕνεκα μείνασ, ἐπεὶ κατέβησαν, ἠφίει κάτω τὰ ὅπλα Καὶ βαλὼν ἅπαντα τελευταῖοσ ἀπεσῴζετο Καὶ αὐτόσ, ταῦτ’ ἠγνόουν οἱ Ῥωμαῖοι· διὸ Καὶ περιελθόντεσ αὐτοὺσ ἐξέπληξαν τῷ αἰφνιδίῳ, Καὶ φυγῆσ γενομένησ ἔλαβον τὸ στρατόπεδον.

καὶ προσεγίνοντο πολλοὶ τῶν αὐτόθι βοτήρων Καὶ ποιμένων αὐτοῖσ, πλῆκται Καὶ ποδώκεισ ἄνδρεσ, ὧν τούσ μὲν ὥπλιζον, τοῖσ δὲ προδρόμοισ Καὶ ψιλοῖσ ἐχρῶντο. δεύτεροσ ἐκπέμπεται πρὸσ αὐτοὺσ στρατηγὸσ Πούπλιοσ Βαρῖνοσ, οὗ πρῶτα μὲν ὑποστράτηγόν τινα Φούριον ἔχοντα δισχιλίουσ στρατιώτασ ἐτρέψαντο συμβαλόντεσ·

ἔπειτα σύμβουλον αὐτῷ Καὶ συνάρχοντα Κοσσίνιον ἀποσταλέντα μετὰ πολλῆσ δυνάμεωσ ἐπιτηρήσασ ὁ Σπάρτακοσ λουόμενον περὶ Σαλίνασ, μικρὸν ἐδέησε συναρπάσαι. χαλεπῶσ δὲ Καὶ μόλισ ἐκφυγόντοσ εὐθὺσ μὲν ἐκράτησε τῆσ ἀποσκευῆσ, ἐκ ποδὸσ δὲ κατέχων Καὶ διώκων φόνῳ πολλῷ τὸ στρατόπεδον εἷλεν.

ἔπεσε δὲ Καὶ Κοσσίνιοσ. αὐτὸν δὲ τὸν στρατηγὸν ἄλλαισ μάχαισ πολλαῖσ καταγωνισάμενοσ, τέλοσ δὲ τούσ τε ῥαβδούχουσ Καὶ τὸν ἵππον αὐτοῦ λαβὼν, ἤδη μὲν μέγασ Καὶ φοβερόσ ἦν, ἐφρόνει δὲ τὰ εἰκότα, Καὶ μὴ προσδοκῶν ὑπερβαλέσθαι τὴν Ῥωμαίων δύναμιν ἦγεν ἐπὶ τὰσ Ἄλπεισ τὸν στρατόν, οἰόμενοσ δεῖν ὑπερβαλόντασ αὐτὰσ ἐπὶ τὰ οἰκεῖα χωρεῖν, τούσ μὲν εἰσ Θρᾴκην, τούσ δ’ εἰσ Γαλατίαν. οἱ δὲ πλήθει τε ὄντεσ ἰσχυροὶ Καὶ μέγα φρονοῦντεσ οὐχ ὑπήκουον, ἀλλ’ ἐπόρθουν ἐπιπορευόμενοι τὴν Ἰταλίαν.

οὐκέτ’ οὖν τὸ παρ’ ἀξίαν Καὶ τὸ αἰσχρὸν ἠνώχλει τῆσ ἀποστάσεωσ τὴν σύγκλητον, ἀλλὰ δὴ διὰ φόβον τε καὶ κίνδυνον ὡσ πρὸσ ἕνα τῶν δυσκολωτάτων πολέμων Καὶ μεγίστων ἀμφοτέρουσ ἐξέπεμπον τούσ ὑπάτουσ, ὧν Γέλλιοσ μὲν τὸ Γερμανικόν ὕβρει Καὶ φρονήματι τῶν Σπαρτακείων ἀποσχισθέν ἐξαίφνησ ἐμπεσὼν ἅπαν διέφθειρε, Λέντλου δὲ τὸν Σπάρτακον μεγάλοισ στρατοπέδοισ περιλαβόντοσ ὁρμήσασ ὁμόσε Καὶ μάχην συνάψασ ἐκράτησε μὲν τῶν πρεσβευτῶν, ἔλαβε δὲ τὴν ἀποσκευὴν ἅπασαν, ὠθουμένῳ δ’ αὐτῷ πρὸσ τὰσ Ἄλπεισ Κάσσιοσ ὁ τῆσ περὶ Πάδον Γαλατίασ στρατηγὸσ ἔχων μυρίουσ ἀπήντησε· καὶ γενομένησ μάχησ κρατηθεὶσ Καὶ πολλοὺσ ἀποβαλών μόλισ αὐτὸσ ἐξέφυγε.

SEARCH

MENU NAVIGATION