헬라어 문장 검색 - Πλυταρ́Αεμιλιύ24́

(플루타르코스, Aemilius Paulus, chapter 24)

ἀεὶ μὲν οὖν λέγονται φιλοβασίλειοι Μακεδόνεσ, τότε δ’ ὡσ ἐρείσματι κεκλασμένῳ πάντων ἅμα συμπεσόντων ἐγχειρίζοντεσ αὑτοὺσ τῷ Αἰμιλίῳ δύο ἡμέραισ ὅλησ κύριον αὐτὸν κατέστησαν Μακεδονίασ, καὶ δοκεῖ τοῦτο μαρτυρεῖν τοῖσ εὐτυχίᾳ τινὶ τὰσ πράξεισ ἐκείνασ γεγονέναι φάσκουσιν. ἔτι δὲ καὶ τὸ περὶ τὴν θυσίαν σύμπτωμα δαιμόνιον ἦν ἐν Ἀμφιπόλει θύοντοσ τοῦ Αἰμιλίου καὶ τῶν ἱερῶν ἐνηργμένων κεραυνὸσ ἐνσκήψασ εἰσ τὸν βωμὸν ἐπέφλεξε καὶ συγκαθήγισε τὴν ἱερουργίαν. ὑπερβάλλει δὲ θειότητι πάντωσ καὶ τύχῃ τὰ τῆσ φήμησ, ἦν μὲν γὰρ ἡμέρα τετάρτη νενικημένῳ Περσεῖ περὶ Πύδναν, ἐν δὲ τῇ Ῥώμῃ τοῦ δήμου θεωροῦντοσ ἱππικοὺσ ἀγῶνασ ἐξαίφνησ ἐνέπεσε λόγοσ εἰσ τὸ πρῶτον τοῦ θεάτρου μέροσ ὡσ Αἰμίλιοσ μεγάλῃ μάχῃ νενικηκὼσ Περσέα καταστρέφοιτο σύμπασαν Μακεδονίαν.

ἐκ δὲ τούτου ταχὺ τῆσ φήμησ ἀναχεομένησ εἰσ τὸ πλῆθοσ ἐξέλαμψε χαρὰ μετὰ κρότου καὶ βοῆσ τὴν ἡμέραν ἐκείνην κατασχοῦσα τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 24

(플루타르코스, Aemilius Paulus, chapter 24)

상위

목록

SEARCH

MENU NAVIGATION