Plutarch, Adversus Colotem, section 23

(플루타르코스, Adversus Colotem, section 23)

"οὐ μὴν ἀλλὰ τὸ ἐπὶ τοῦ Στίλπωνοσ τοιοῦτόν ἐστιν. "εἰ περὶ ἵππου τὸ τρέχειν κατηγοροῦμεν, οὔ φησι ταὐτὸν εἶναι τῷ περὶ οὗ κατηγορεῖται τὸ κατηγορούμενον ἀλλ’ ἕτερον· "οὐδ’ εἰ περὶ ἀνθρώπου τὸ ἀγαθὸν εἶναι, ἀλλ’ ἕτερον μὲν ἀνθρώπῳ τοῦ τί ἦν εἶναι τὸν λόγον, ἕτερον δὲ τῷ ἀγαθῷ· "καὶ πάλιν τὸ ἵππον εἶναι τοῦ τρέχοντα εἶναι διαφέρειν· "ἑκατέρου γὰρ ἀπαιτούμενοι τὸν λόγον οὐ τὸν αὐτὸν ἀποδίδομεν ὑπὲρ ἀμφοῖν ὅθεν ἁμαρτάνειν τοὺσ ἕτερον ἑτέρου κατηγοροῦντασ εἰ μὲν γὰρ ταὐτόν ἐστι τάνθρώπῳ τάγαθὸν καὶ τῷ ἵππῳ τὸ τρέχειν, πῶσ καὶ σιτίου καὶ φαρμάκου τἀγαθὸν, καὶ νὴ Δία πάλιν λέοντοσ καὶ κυνὸσ τὸ τρέχειν κατηγοροῦμεν; "εἰ δ’ ἕτερον, οὐκ ὀρθῶσ ἄνθρωπον ἀγαθὸν καὶ ἵππον τρέχειν λέγομεν. "εἴπερ οὖν ἐν τούτοισ ἐξαιμάξει πικρῶσ ὁ Στίλπων, τῶν ἐν ὑποκειμένῳ καὶ καθ’ ὑποκειμένου λεγομένων μηδεμίαν ἀπολιπὼν συμπλοκὴν πρὸσ τὸ ὑποκείμενου, ἀλλ’ ἕκαστον αὐτῶν, εἰ μὴ κομιδῇ ταὐτὸν ᾧ συμβέβηκε λέγεται, μηδ’ ὡσ συμβεβηκὸσ οἰόμενοσ δεῖν περὶ αὐτοῦ λέγεσθαι, φωναῖσ τισι δυσκολαίνων καὶ πρὸσ τὴν συνήθειαν ἐνιστάμενοσ, οὐ τὸν βίον ἀναιρῶν οὐδὲ τὰ πράγματα δῆλόσ ἐστι.

일치하는 문장이 없습니다.

SEARCH

MENU NAVIGATION