헬라어 문장 검색 - Πλυταρ́Αδϝερσύ19́0́00́

(플루타르코스, Adversus Colotem, section 19)

"ταῦτα μὲν οὖν πρὸσ τὰσ βλασφημίασ. "ὅτι δέ, οἷσ ἐγκαλεῖ περὶ τῶν ἐναργῶν, ἔνοχοσ αὐτόσ ἐστιν, οὐ συνεῖδεν. "ἓν γάρ ἐστι τῶν Ἐπικούρου δογμάτων, τὸ μηδὲν ἀμεταπείστωσ πεπεῖσθαι μηδένα πλὴν τὸν σοφόν. ἐπεὶ τοίνυν ὁ Κωλώτησ οὐκ ἦν σοφὸσ οὐδὲ μετὰ τὰσ σεβάσεισ ἐκείνασ, ἐρωτάτω πρῶτον ἐκεῖνα τὰ ἐρωτήματα, πῶσ σιτία προσάγεται καὶ οὐ χόρτον ἐπιτήδειοσ ὢν, καὶ τὸ ἱμάτιον τῷ σώματι καὶ οὐ τῷ κίονι περιτίθησι, μήθ’ ἱμάτιον εἶναι τὸ ἱμάτιον μήτε σιτίον τὸ σιτίον ἀμεταπείστωσ πεπεισμένοσ. "εἰ δὲ καὶ ταῦτα πράττει καὶ τοὺσ ποταμούσ, ὅταν ὦσι μεγάλοι, ποσὶν οὐ διέρχεται, καὶ τοὺσ ὄφεισ φεύγει καὶ τοὺσ λύκουσ, μηδὲν εἶναι τούτων οἱο͂ν φαίνεται πεπεισμένοσ ἀμεταπείστωσ, ἀλλὰ πράττων ἕκαστα κατὰ τὸ φαινόμενον· "οὐδὲ Σωκράτει δήπουθεν ἐμποδὼν ἦν ἡ περὶ τῶν αἰσθήσεων δόξα τοῦ χρῆσθαι τοῖσ φαινομένοισ ὁμοίωσ. "οὐ γὰρ Κωλώτῃ μὲν ὁ ἄρτοσ ἄρτοσ ἐφαίνετο καὶ χόρτοσ ὁ χόρτοσ, ὅτι τοὺσ διοπετεῖσ ἀνεγνώκει Κανόνασ· "ὁ δὲ Σωκράτησ ὑπ’ ἀλαζονείασ ἄρτου μὲν ὡσ χόρτου χόρτου δ’ ὡσ ἄρτου φαντασίαν ἐλάμβανε. "δόγμασι γὰρ ἡμῶν καὶ λόγοισ οὗτοι χρῶνται βελτίοσιν οἱ σοφοί· "τὸ δ’ αἰσθάνεσθαι καὶ τυποῦσθαι πρὸσ τὰ φαινόμενα κοινόν ἐστι πάθοσ ἀλόγοισ περαινόμενον αἰτίαισ. "ὁ δὲ τὰσ αἰσθήσεισ λόγοσ ἐπαγόμενοσ, ὡσ οὐκ ἀκριβεῖσ οὐδ’ ἀσφαλεῖσ πρὸσ πίστιν οὔσασ, οὐκ ἀναιρεῖ τὸ φαίνεσθαι τῶν πραγμάτων ἡμῖν ἕκαστον, ἀλλὰ χρωμένοισ κατὰ τὸ φαινόμενον ἐπὶ τὰσ πράξεισ ταῖσ αἰσθήσεσι τὸ πιστεύειν ὡσ ἀληθέσι πάντῃ καὶ ἀδιαπτώτοισ οὐ δίδωσιν αὐταῖσ τὸ γὰρ ἀναγκαῖον ἀρκεῖ καὶ χρειῶδεσ ἀπ’ αὐτῶν, ὅτι βέλτιον ἕτερον οὐκ ἔστιν· "ἣν δὲ ποθεῖ φιλόσοφοσ ψυχὴ λαβεῖν ἐπιστήμην περὶ ἑκάστου καὶ γνῶσιν, οὐκ ἔχουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Adversus Colotem, section 19

(플루타르코스, Adversus Colotem, section 19)

상위

목록

SEARCH

MENU NAVIGATION