호흡부호 보기
강세부호 보기
장단부호 보기
작은 Iota 보기
모든 부호 보기
"τοιαῦτα μέντοι ῥήματα καὶ κινήματα καὶ πάθη συνειδότεσ αὑτοῖσ ἑτέρουσ φορτικοὺσ ἀποκαλοῦσι. "καὶ δῆτα καὶ προθεὶσ ὁ Κωλώτησ τὰ σοφὰ ταῦτα · "καὶ καλὰ περὶ τῶν αἰσθήσεων, ὅτι σιτία προσαγόμεθα καὶ οὐ χόρτον, καὶ τοὺσ ποταμούσ, ὅταν ὦσι μεγάλοι, πλοίοισ διαπερῶμεν, ὅταν δ’ εὐδιάβατοι γένωνται, τοῖσ ποσίν, ἐπιπεφώνηκεν ἀλλὰ γὰρ ἀλαζόνασ ἐπετήδευσασ λόγουσ, ὦ Σώκρατεσ καὶ ἕτερα μὲν διελέγου τοῖσ ἐντυγχάνουσιν ἕτερα δ’ ἔπραττεσ. "πῶσ γὰρ οὐκ ἀλαζόνεσ οἱ Σωκράτουσ λόγοι, μηδὲν αὐτοῦ εἰδέναι φάσκοντοσ ἀλλὰ μανθάνειν ἀεὶ καὶ ζητεῖν τἀληθέσ; "εἰ δὲ τοιαύταισ, ὦ Κωλῶτα, Σωκράτουσ φωναῖσ περιέπεσεσ, οἱάσ Ἐπίκουροσ γράφει πρὸσ Ἰδομενέα πέμπε οὖν ἀπαρχὰσ ἡμῖν εἰσ τὴν τοῦ ἱεροῦ σώματοσ θεραπείαν ὑπέρ τε αὑτοῦ καί τέκνων· "οὕτω γάρ μοι λέγειν ἐπέρχεται τίσιν ἂν ῥήμασιν ἀγροικοτέροισ ἐχρήσω; "καὶ μὴν ὅτι Σωκράτησ ἄλλα μὲν ἔλεγεν ἄλλα δ’ ἔπραττε, θαυμαστῶσ μαρτυρεῖ σοι τὰ ἐπὶ Δηλίῳ τὰ ἐν Ποτιδαίᾳ τὰ ἐπὶ τῶν τριάκοντα τὰ πρὸσ Ἀρχέλαον τὰ πρὸσ τὸν δῆμον ἡ πενία ὁ θάνατοσ· "οὐ γὰρ ἄξια ταῦτα τῶν Σωκρατικῶν λόγων. "ἐκεῖνοσ ἦν, ὦ μακάριε, κατὰ Σωκράτουσ ἔλεγχοσ ἕτερα μὲν λέγοντοσ ἕτερα δὲ πράττοντοσ, εἰ τὸ ἡδέωσ ζῆν τέλοσ ἐκθέμενοσ οὕτωσ ἐβίωσε.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기