호흡부호 보기
강세부호 보기
장단부호 보기
작은 Iota 보기
모든 부호 보기
"καίτοι ταῦτα μὲν ἐγκέκραται τοῖσ Ἐπικούρου λόγοισ καὶ διαπεφοίτηκεν αὐτοῦ τῆσ φιλοσοφίασ· "ὁ δὲ Κωλώτησ ὅτι φωνάσ τινασ ἐρήμουσ πραγμάτων ἀποσπῶν καὶ μέρη λόγων καὶ σπαράγματα κωφὰ τοῦ βεβαιοῦντοσ καὶ συνεργοῦντοσ πρὸσ νόησιν καὶ πίστιν ἕλκων ὥσπερ ἀγορὰν ἢ πίνακα τεράτων συντίθησι τὸ βιβλίον, ἴστε δήπου παντὸσ μᾶλλον ὑμεῖσ,ἔφην, τὰ συγγράμματα τῶν παλαιῶν διὰ χειρὸσ ἔχοντεσ. "ἐμοὶ δὲ δοκεῖ καθάπερ ὁ Λυδὸσ ἐφ’ αὑτὸν τὸν ἀνοίγειν οὐ θύραν μίαν ἀλλὰ ταῖσ πλείσταισ τῶν ἀποριῶν καὶ μεγίσταισ περιβάλλειν τὸν Ἐπίκουρον. "ἄρχεται γὰρ ἀπὸ Δημοκρίτου, καλὰ καὶ πρέποντα διδασκάλια κομιζομένου παρ’ αὐτοῦ· "καίτοι πολὺν χρόνον αὐτὸσ ἑαυτὸν ἀνηγόρευε Δημοκρίτειον ὁ Ἐπίκουροσ, ὡσ ἄλλοι τε λέγουσι καὶ Λεοντεύσ, εἷσ τῶν ἐπ’ ἄκρον Ἐπικούρου μαθητῶν, πρὸσ Λυκόφρονα γράφων τιμᾶσθαὶ τέ φησι τὸν Δημόκριτον ὑπ’ Ἐπικούρου διὰ τὸ πρότερον ἅψασθαι τῆσ ὀρθῆσ γνώσεωσ, καὶ τὸ σύνολον τὴν πραγματείαν Δημοκρίτειον προσαγορεύεσθαι διὰ τὸ περιπεσεῖν αὐτὸν πρότερον ταῖσ ἀρχαῖσ περὶ φύσεωσ ὁ δὲ Μητρόδωροσ ἄντικρυσ περὶ φιλοσοφίασ εἴρηκεν, ὡσ, εἰ μὴ προκαθηγήσατο Δημόκριτοσ, οὐκ ἂν προῆλθεν Ἐπίκουροσ ἐπὶ τὴν σοφίαν. "ἀλλ’ εἰ κατὰ τὰ Δημοκρίτου δόγματα ζῆν οὐκ ἔστιν, ὡσ οἰέται Κωλώτησ, γελοῖοσ ἦν ἐπὶ τὸ μὴ ζῆν ἄγοντι Δημοκρίτῳ κατακολουθῶν ὁ Ἐπίκουροσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기