Plato, Euthyphro, Apology, Crito, Phaedo, Φαίδων 589:

αἰσθάνῃ οὖν, ἦ δ’ ὅσ, ὅτι ταῦτά σοι συμβαίνει λέγειν, ὅταν φῇσ μὲν εἶναι τὴν ψυχὴν πρὶν καὶ εἰσ ἀνθρώπου εἶδόσ τε καὶ σῶμα ἀφικέσθαι, εἶναι δὲ αὐτὴν συγκειμένην ἐκ τῶν οὐδέπω ὄντων; οὐ γὰρ δὴ ἁρμονία γέ σοι τοιοῦτόν ἐστιν ᾧ ἀπεικάζεισ, ἀλλὰ πρότερον καὶ ἡ λύρα καὶ αἱ χορδαὶ καὶ οἱ φθόγγοι ἔτι ἀνάρμοστοι ὄντεσ γίγνονται, τελευταῖον δὲ πάντων συνίσταται ἡ ἁρμονία καὶ πρῶτον ἀπόλλυται.