Plato, Euthyphro, Apology, Crito, Phaedo, Φαίδων 535:

"τίνι οὖν ἔτι πιστεύσομεν λόγῳ; ὡσ γὰρ σφόδρα πιθανὸσ ὤν, ὃν ὁ Σωκράτησ ἔλεγε λόγον, νῦν εἰσ ἀπιστίαν καταπέπτωκεν. " θαυμαστῶσ γάρ μου ὁ λόγοσ οὗτοσ ἀντιλαμβάνεται καὶ νῦν καὶ ἀεί, τὸ ἁρμονίαν τινὰ ἡμῶν εἶναι τὴν ψυχήν, καὶ ὥσπερ ὑπέμνησέν με ῥηθεὶσ ὅτι καὶ αὐτῷ μοι ταῦτα προυδέδοκτο. καὶ πάνυ δέομαι πάλιν ὥσπερ ἐξ ἀρχῆσ ἄλλου τινὸσ λόγου ὅσ με πείσει ὡσ τοῦ ἀποθανόντοσ οὐ συναποθνῄσκει ἡ ψυχή. λέγε οὖν πρὸσ Διὸσ πῇ ὁ Σωκράτησ μετῆλθε τὸν λόγον; καὶ πότερον κἀκεῖνοσ, ὥσπερ ὑμᾶσ φῄσ, ἔνδηλόσ τι ἐγένετο ἀχθόμενοσ ἢ οὔ, ἀλλὰ πρᾴωσ ἐβοήθει τῷ λόγῳ;