호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ δὴ τοῦτο τόδε ἐπίσκεψαι, εἴ τι λέγω· εἰκόνοσ γάρ τινοσ, ὡσ ἐοίκεν, κἀγὼ ὥσπερ Σιμμίασ δέομαι. ἐμοὶ γὰρ δοκεῖ ὁμοίωσ λέγεσθαι ταῦτα ὥσπερ ἄν τισ περὶ ἀνθρώπου ὑφάντου πρεσβύτου ἀποθανόντοσ λέγοι τοῦτον τὸν λόγον, ὅτι οὐκ ἀπόλωλεν ὁ ἄνθρωποσ ἀλλ’ ἔστι που σῶσ, τεκμήριον δὲ παρέχοιτο θοἰμάτιον ὃ ἠμπείχετο αὐτὸσ ὑφηνάμενοσ ὅτι ἐστὶ σῶν καὶ οὐκ ἀπόλωλεν, καὶ εἴ τισ ἀπιστοίη αὐτῷ, ἀνερωτῴη πότερον πολυχρονιώτερόν ἐστι τὸ γένοσ ἀνθρώπου ἢ ἱματίου ἐν χρείᾳ τε ὄντοσ καὶ φορουμένου, ἀποκριναμένου δή τινοσ ὅτι πολὺ τὸ τοῦ ἀνθρώπου, οἰοίτο ἀποδεδεῖχθαι ὅτι παντὸσ ἄρα μᾶλλον ὅ γε ἄνθρωποσ σῶσ ἐστιν, ἐπειδὴ τό γε ὀλιγοχρονιώτερον οὐκ ἀπόλωλεν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기