Plato, Euthyphro, Apology, Crito, Phaedo, Φαίδων 24:

πολλάκισ μοι φοιτῶν τὸ αὐτὸ ἐνύπνιον ἐν τῷ παρελθόντι βίῳ, ἄλλοτ’ ἐν ἄλλῃ ὄψει φαινόμενον, τὰ αὐτὰ δὲ λέγον, "ὦ Σώκρατεσ," ἔφη, "μουσικὴν ποίει καὶ ἐργάζου. " καὶ ἐγὼ ἔν γε τῷ πρόσθεν χρόνῳ ὅπερ ἔπραττον τοῦτο ὑπελάμβανον αὐτό μοι παρακελεύεσθαί τε καὶ ἐπικελεύειν, ὥσπερ οἱ τοῖσ θέουσι διακελευόμενοι, καὶ ἐμοὶ οὕτω τὸ ἐνύπνιον ὅπερ ἔπραττον τοῦτο ἐπικελεύειν, μουσικὴν ποιεῖν, ὡσ φιλοσοφίασ μὲν οὔσησ μεγίστησ μουσικῆσ, ἐμοῦ δὲ τοῦτο πράττοντοσ.