Plato, Euthyphro, Apology, Crito, Phaedo, Φαίδων 8:

οὐδαμῶσ, ἀλλὰ παρῆσάν τινεσ, καὶ πολλοί γε. ταῦτα δὴ πάντα προθυμήθητι ὡσ σαφέστατα ἡμῖν ἀπαγγεῖλαι, εἰ μή τίσ σοι ἀσχολία τυγχάνει οὖσα. ἀλλὰ σχολάζω γε καὶ πειράσομαι ὑμῖν διηγήσασθαι· καὶ γὰρ τὸ μεμνῆσθαι Σωκράτουσ καὶ αὐτὸν λέγοντα καὶ ἄλλου ἀκούοντα ἔμοιγε ἀεὶ πάντων ἥδιστον. ἀλλὰ μήν, ὦ Φαίδων, καὶ τοὺσ ἀκουσομένουσ γε τοιούτουσ ἑτέρουσ ἔχεισ· ἀλλὰ πειρῶ ὡσ ἂν δύνῃ ἀκριβέστατα διεξελθεῖν πάντα.