Plato, Euthyphro, Apology, Crito, Phaedo, Κρίτων 69:

ἀλλὰ δὴ τῶν παίδων ἕνεκα βούλει ζῆν, ἵνα αὐτοὺσ ἐκθρέψῃσ καὶ παιδεύσῃσ; τί δέ; εἰσ Θετταλίαν αὐτοὺσ ἀγαγὼν θρέψεισ τε καὶ παιδεύσεισ, ξένουσ ποιήσασ, ἵνα καὶ τοῦτο ἀπολαύσωσιν; ἢ τοῦτο μὲν οὔ, αὐτοῦ δὲ τρεφόμενοι σοῦ ζῶντοσ βέλτιον θρέψονται καὶ παιδεύσονται μὴ συνόντοσ σοῦ αὐτοῖσ; οἱ γὰρ ἐπιτήδειοι οἱ σοὶ ἐπιμελήσονται αὐτῶν. πότερον ἐὰν μὲν εἰσ Θετταλίαν ἀποδημήσῃσ, ἐπιμελήσονται, ἐὰν δὲ εἰσ Αἵδου ἀποδημήσῃσ, οὐχὶ ἐπιμελήσονται;