Plato, Euthyphro, Apology, Crito, Phaedo, Κρίτων 23:

ἢ πρὶν μὲν ἐμὲ δεῖν ἀποθνῄσκειν καλῶσ ἐλέγετο, νῦν δὲ κατάδηλοσ ἄρα ἐγένετο ὅτι ἄλλωσ ἕνεκα λόγου ἐλέγετο, ἦν δὲ παιδιὰ καὶ φλυαρία ὡσ ἀληθῶσ; ἐπιθυμῶ δ’ ἔγωγ’ ἐπισκέψασθαι, ὦ Κρίτων, κοινῇ μετὰ σοῦ εἴ τί μοι ἀλλοιότεροσ φανεῖται, ἐπειδὴ ὧδε ἔχω, ἢ ὁ αὐτόσ, καὶ ἐάσομεν χαίρειν ἢ πεισόμεθα αὐτῷ. ἐλέγετο δέ πωσ, ὡσ ἐγᾦμαι, ἑκάστοτε ὧδε ὑπὸ τῶν οἰομένων τὶ λέγειν, ὥσπερ νυνδὴ ἐγὼ ἔλεγον, ὅτι τῶν δοξῶν ἃσ οἱ ἄνθρωποι δοξάζουσιν δέοι τὰσ μὲν περὶ πολλοῦ ποιεῖσθαι, τὰσ δὲ μή. τοῦτο πρὸσ θεῶν, ὦ Κρίτων, οὐ δοκεῖ καλῶσ σοι λέγεσθαι;