Plato, Euthyphro, Apology, Crito, Phaedo, Κρίτων 4:

καὶ ἄλλοι, ὦ Σώκρατεσ, τηλικοῦτοι ἐν τοιαύταισ συμφοραῖσ ἁλίσκονται, ἀλλ’ οὐδὲν αὐτοὺσ ἐπιλύεται ἡ ἡλικία τὸ μὴ οὐχὶ ἀγανακτεῖν τῇ παρούσῃ τύχῃ. ἔστι ταῦτα. ἀλλὰ τί δὴ οὕτω πρῲ ἀφῖξαι; ἀγγελίαν, ὦ Σώκρατεσ, φέρων χαλεπήν, οὐ σοί, ὡσ ἐμοὶ φαίνεται, ἀλλ’ ἐμοὶ καὶ τοῖσ σοῖσ ἐπιτηδείοισ πᾶσιν καὶ χαλεπὴν καὶ βαρεῖαν, ἣν ἐγώ, ὡσ ἐμοὶ δοκῶ, ἐν τοῖσ βαρύτατ’ ἂν ἐνέγκαιμι. τίνα ταύτην; ἢ τὸ πλοῖον ἀφῖκται ἐκ Δήλου, οὗ δεῖ ἀφικομένου τεθνάναι με;