Plato, Euthyphro, Apology, Crito, Phaedo, Εὐθύφρων 26:

ἀλλά μοι εἰπὲ πρὸσ Φιλίου, σὺ ὡσ ἀληθῶσ ἡγῇ ταῦτα οὕτωσ γεγονέναι; καὶ ἔτι γε τούτων θαυμασιώτερα, ὦ Σώκρατεσ, ἃ οἱ πολλοὶ οὐκ ἴσασιν. καὶ πόλεμον ἆρα ἡγῇ σὺ εἶναι τῷ ὄντι ἐν τοῖσ θεοῖσ πρὸσ ἀλλήλουσ, καὶ ἔχθρασ γε δεινὰσ καὶ μάχασ καὶ ἄλλα τοιαῦτα πολλά, οἱᾶ λέγεταί τε ὑπὸ τῶν ποιητῶν, καὶ ὑπὸ τῶν ἀγαθῶν γραφέων τά τε ἄλλα ἱερὰ ἡμῖν καταπεποίκιλται, καὶ δὴ καὶ τοῖσ μεγάλοισ Παναθηναίοισ ὁ πέπλοσ μεστὸσ τῶν τοιούτων ποικιλμάτων ἀνάγεται εἰσ τὴν ἀκρόπολιν;