Plato, Euthyphro, Apology, Crito, Phaedo, Εὐθύφρων 13:

ὃν διώκων αὖ δοκῶ μαίνεσθαι. τί δέ; πετόμενόν τινα διώκεισ; πολλοῦ γε δεῖ πέτεσθαι, ὅσ γε τυγχάνει ὢν εὖ μάλα πρεσβύτησ. τίσ οὗτοσ; ὁ ἐμὸσ πατήρ. ὁ σόσ, ὦ βέλτιστε; πάνυ μὲν οὖν. ἔστιν δὲ τί τὸ ἔγκλημα καὶ τίνοσ ἡ δίκη; φόνου, ὦ Σώκρατεσ. Ἡράκλεισ. ἦ που, ὦ Εὐθύφρων, ἀγνοεῖται ὑπὸ τῶν πολλῶν ὅπῃ ποτὲ ὀρθῶσ ἔχει· οὐ γὰρ οἶμαί γε τοῦ ἐπιτυχόντοσ ὀρθῶσ αὐτὸ πρᾶξαι ἀλλὰ πόρρω που ἤδη σοφίασ ἐλαύνοντοσ.