Plato, Euthyphro, Apology, Crito, Phaedo, Εὐθύφρων? 13:

ὃν διώκων αὖ δοκῶ μαίνεσθαι. τί δέ· πετόμενόν τινα διώκεις· πολλοῦ γε δεῖ πέτεσθαι, ὅς γε τυγχάνει ὢν εὖ μάλα πρεσβύτης. τίς οὗτος· ὁ ἐμὸς πατήρ. ὁ σός, ὦ βέλτιστε· πάνυ μὲν οὖν. ἔστιν δὲ τί τὸ ἔγκλημα καὶ τίνος ἡ δίκη· φόνου, ὦ Σώκρατες. Ἡράκλεις. ἦ που, ὦ Εὐθύφρων, ἀγνοεῖται ὑπὸ τῶν πολλῶν ὅπῃ ποτὲ ὀρθῶς ἔχει: οὐ γὰρ οἶμαί γε τοῦ ἐπιτυχόντος ὀρθῶς αὐτὸ πρᾶξαι ἀλλὰ πόρρω που ἤδη σοφίας ἐλαύνοντος.